Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

ЧАКАЛОКЛАРНИНГ ЛИМФАНГИОЭКТАТИК ШИШИ
Чакалокларнинг лимфангиоэктатик шиши – бу вактинчалик холат булиб, патологик ахамиятга эга эмасдир ва бармоклар ва товонларнинг шишишиб кетиши, хамирсимон консистенция билан характерланади. Тананинг бошка кисмлари зарарланмайди, жараённинг жадаллашиши (прогрессивлашиши) кузатилмайди, бир неча хафта ёки ойлар утгач йуколиб кетади. Бу холатнинг асосида лимфанинг лимфатик тиркишлар орасида (застой) тупланиши ва лимфатик капиллярларнинг усшишини кучайиши натижаси ётади.
ТОКСИК (АЛЛЕРГИК) ЭРИТЕМА
Токсик (аллергик) эритема – 20-30% болаларнинг чакалоклик даврининг 2-4 кунида кузатилади. Болаларнинг етилиб ёки чала тугилишига, уларнинг огирлигига боглик булмаган холатдир. Купинча кукрак сутини истеъмол килаётган чакалокларда кузатилади. Чакалок терисида тез утиб кетадиган полиморф тошмалар кузатилиши билан характерланади. Терисида эритематоз догларда жойлашган зич, думалок, окиш-сарик ёки ок папулалар ва торвоклар кузатилади. Эритематоз доглар 1-3 см улчамда булиб, шакли нотугри, кизгишлиги атрофдаги меёрдаги тери билан уйгунлашиб (контрастирует) кетади. Баъзи холларда элементлар бир-бири билан кушилиб кетади. Бармок билан эритема босиб курилганда окаради, тагадаги тукима эса бир оз зичлашганга ухшаб кетади. Тананинг олдинги ва орка юзаларида купинча жойлашади, баъзан юзда хам кузатилади. Кафт, товонлар ва шиллик каватлар жарохатланмайди. Касаллик бир неча соатдан бир неча кунгача давом этиши мумкин. Касаллик рецидиви (кайталаниши) кам учрайди, аммо баъзан тошмалар тошиши биринчи икки хафтада бир неча маротаба кузатилиши мумкин. Касаллик яхши сифатлик давом этади, кичишиш безовта килмайди, тошмалар кепакланишсиз ва пигментациясиз утиб кетади. Чакалокнинг умумий холати узгармайди, лекин купинча суюк ич кетиши, периферик конда эозинофилия, микрополиаденопатия, талокнинг катталашиши кузатилади. Агар тошмалар куп микдорда юзда кузатилса ва конъюктивит билан кечса, унда кизамик (корь) касаллиги билан дифференциал диагноз утказиш лозим.