Узбекистон республикаси согликни саклаш вазирлиги

Маъруза №5

Мавзу: Кон тизими. Коннинг физикавий-кимёвий хоссалари. Коннинг шаклли элементлари, уларнинг болалардаги хусусиятлари.

Максад: Талабаларга кон тизими хакида тушунча бериш. Коннинг вазифалари, унинг асосий физиологик константалари билан таништириш.

Маърузанинг вазифаси ва режаси:

Кон тизими хакида тушунча.

Коннинг вазифалари.
Коннинг таркиби, микдори ва асосий физиологик константалари.
Кон шаклли элементлари ва уларнинг вазифалари.
Кон тизими деган тушунчани 1939-йилда Г.Ф.Ланг тасвир этган. Ушбу тизимга у куйидагиларни киритган: 1) Томирларда айланиб юрувчи периферик кон; 2) Кон хосил килувчи аъзолар; 3) Кон емириладиган аъзолар; 4) Бошкарувчи нейро-гуморал аппарат.
Кон, лимфа ва тукима суюклиги гавдадаги барча хужайра ва тукималарни ювиб турувчи организмнинг ички мухитини хосил килади. Ички мухит таркиби ва физикавий-кимёвий хоссаларининг нисбатан доимийлиги билан фарк килади. Шу туфайли организм хужайраларининг яшаши учун нисбий доимий шароит (гомеостаз) вужудга келади. Бу шароит доимийлиги, яъни гомеостазни саклаб туришда кон жуда мухим роль уйнайди.

Коннинг вазифалари

Кон томирларда характланиб, организмда куйидаги вазифаларни бажаради:
Транспорт вазифаси. Кон турли моддаларни организмнинг бир нуктасидан бошка нуктасига ташийди ва шу тарика ташиш вазифасини бажаради.
Нафас вазифаси. Кон кичик кон айланиш доираси капиллярларидан утаётганда узига О₂ ни бириктиради ва тукималарга еткзади. Тукималардан окиб утаётганда эса О₂ ни бериб, узига СО₂ ни бириктиради.
Трофик ёки озиклантириш вазифаси. Кон барча хужайраларни зарур озик моддалар билан (глюкоза, аминокислоталар, ёглар, витаминлар, минерал тузлар ва сув) билан таъминлайди.
Экскретор вазифаси. Кон тукималардан моддалар алмашинувининг ташланди махсулотлари – сийдикчил, сийдик кислотаси каби захарли моддаларни олиб кетади ва улар ажратув органлари оркали организмдан ташкарига чикариб юборилади.
Терморегулятор вазифа. Кон иссиклик хосил булиши жадал кечадиган аъзолардан окиб утаётганда, исийди ва бу иссикликни иссиклик хосил булиши суст булган аъзоларга беради. Шу тарика, кон тана харорати доимийлигини таъминлашда катнашади.
Гомеостатик вазифа. Кон гомеостазнинг бир катор константалари (рН, осмотик босим ва х.к.) бир хилда тутиб туришда катнашади.
Кон ва тукималар уртасида сув ва тузлар алмашинувида катнашади.
Химоя вазифаси. Ок кон танчалари – лейкоцитлар фагоцитоз жараёнида катнашади. Кон оксиллари булмиш глобулинлар антителолар хисобланади. Коннинг ивиши хам химоя вазифадир.
Гуморал бошкаришда катнашади. Кон гормонлар ва бошка биологик фаол моддаларни ташиб, гуморал бошкаришда фаол катнашади.
Креатор богларни амалга оширади. Плазма ва кон шаклли элементлари томонидан ташилувчи макромолекулалар хужайралараро маълумотларни утказишда катнашади.

Коннинг таркиби

Кон икки кисмдан иборат: суюк кисми – плазма ва ундаги муаллак шаклли элементлар ( эритроцитлар, лейкоциталр ва тромбоцитлар) дан.

Кон плазмаси билан шаклли элементлар уртасида маълум хажм нисбати мавжуд. Унга гематокрит курсаткичи дейилади. Уни булакчаларга ажратилган махсус шиша найча – гематокрит ёрдамида аникланади. Агар кон гематокрит найчада центрифугаланса, кон плазма ва шаклли элементларга ажралади. Бунда плазма хажми кон хажмининг 55-60 % ини, шаклли элементлар эса 40-45 % ини ташкил килади. Эркакларда шаклли элементлар кон хажмининг 44-46% ини, аёлларда эса 41-43% ини ташкил этади.

Организмдаги коннинг микдори

Катта ёшдаги одам организмида коннинг умумий микдори меъёрида гавда вазнининг 6-8 % ини ташкил этади (4-6 литр). Организмдаги коннинг умумий микдори нисбий доимий туради. Куп кон йукотиш окибатида коннинг жуда камайиб кетиши, масалан, умумий кон микдорининг 1/3 кисмини (33 % ини) йукотиш организмни халокатга олиб келади. Тажрибада организмдаги коннинг умумий микдорини аниклаш учун конгорот буёгидан фойдаланилади.

Коннинг ёпишкоклиги ва солиштирма огирлиги

Сувнинг ёпишкоклиги 1 га тенг деб олинса, плазманики 1,7-2,2 га, яхлит конники эса тахминан 5,0 га тенг. Коннинг ёпишкоклиги унда оксиллар ва эритроцитлар борлигига боглик. Кон куюклашганда (ич кетганда, кусганда, куп терлаганда) коннинг ёпишкоклиги ортиши мумкин.

Коннинг солиштирма огирлиги 1,050-1,060 га, эритроцитларники 1,090 га, плазманики эса 1,025-1,034 га тенг.

Коннинг осмотик босими

Икки эритманинг бири юкоррок концентрацияли, иккинчиси эса паст концентрацияли булса ва бу икки эритма ярим утказгич парда билан тусиб куйилса, сув концентрацияси юкоррок булган эритмага утади. Эритувчининг ярим утказгич пардадан утшига сабаб булувчи куч осмотик босим деб аталади.

Кон билан тукималар орасида сув алмашинувининг бошкарилишида кон, лимфа, тукима суюклигининг осмотик босими катта ахамиятга эга.
Кон осмотик босимининг микдори криоскопик усулда, яъни музлаш хароратини улчаб аникланиши мумкин. Эритманинг осмотик босими канчалик юкори булса, ёки эритмадаги молекулалар, ионлар ва коллоид заррачалар микдори канча куп булса, унинг музлаш харорати ушанча паст булади. Одам конининг депрессияси, яъни коннинг музлаш нуктасини 0⁰ дан пасайиши - 0,56-0,58⁰ га тенг. Бунда коннинг осмотик босими 7,6-8,1 атмосферага (5600 мм. симоб устунига ёки 754 кПа га) тенг булади. Бу босимнинг 60% чамаси NaCI зиммасига тугри келади. Эритроцитлар ва гавдадаги бошка хужайралар атрофидаги суюкликнинг осмотик босими канча булса, бу хужайраларнинг осмотик босими хам ушанча. Сут эмизувчилар ва одам конининг осмотик босими хамма вакт нисбий доимий курсаткичда туради. Осмотик босим доимийлигини ажратув аъзолари, жумладан буйраклар ва тер безлари таъминлайди. Организмга кирувчи сув, хамда моддалар алмашинуви натижасида хосил булувчи моддалар сийдик ва тер билан бирга чикариб юборилади. Натижада осмотик босим катталиги узгармай колади.

Коннинг фаол реакцияси (рН) ва унинг

доимийлигини саклаш механизми
Коннинг водород ва гидроксил ионлари концентрациясига боглик булган фаол реакцияси гоят мухим биологик ахамиятга эга.
Кон кучсиз ишкорий реакцияга эга. Артерия конининг фаол реакция курсаткичи (рН) 7,4 га тенг. Вена конида СО₂ купрок булганлиги сабабли унинг фаол реакция курсаткичи 7,35 га тенг. Хужайра ичида рН бироз пастрок булиб, 7,0-7,2 га тенг. Бу хужайралар метаболизмига ва уларда моддалар алмашинувининг нордон махсулотлари хосил булишига боглик.
Организмда коннинг рН курсаткичи нисбатан доимий туради. Бунда эритроцитлар ва кон плазмасининг буфер хоссалари, хамда ажратув органларининг фаолияти катта ахамият касб этади.
Буфер хоссалар кучсиз кислота ва унинг кучли асос билан хосил килган тузи бор эритмаларга хос. Буфер эритмалар рН узгаришига тускинлик килади. Конда 4 та буфер тизим мавжуд:
Карбонат буфер тизим карбонат кислота ва натрий бикарбонатдан иборат (H₂CO₃ + NaHCO₃).
Фосфат буфер тизим бир асосли ва икки асосли натрий фосфатдан иборат (NaH₂PO₄ + Na₂HPO₄).
Гемоглобин буфер тизими гемоглобин ва унинг калийли тузидан иборат (HHb + KHb).
Плазма оксилларининг буфер тизими. Оксиллар амфотер хоссаларга эга булгани сабабли, мухит реакциясига караб узидан гох Н⁺, гох ОН^- ионларини ажрата олади.
Кон буфер хоссасининг тахминан 75% гемоглобинга боглик, карбонат ва фосфат буфер тизимларининг ахамияти нисбатан камрок.
Кон буфер тизимларининг характерли хоссаси шуки, реакция кислотали томондан кура ишкорий томонга осонрок узгаради. Кучсиз кислоталарнинг кондаги ишкорий тузлари коннинг ишкорий резервини хосил килади.
Карбонат кислота босими симоб устунининг 40 миллиметрига тенг булганда 100 миллилитр кон неча см³ корбонат кислотани боглаб олишига караб, кон ишкорий резервининг микдорини аниклаш мумкин.
Конда кислота ва ишкор эквивалентлари орасидаги муайян ва доимий нисбатга коннинг кислота-ишкор мувозанати дейилади.
Буфер тизимлар мавжудлигига ва организм кон фаол реакциясининг мумкин булган узгаришларидан яхши химоя килинганига карамай, баъзан коннинг рН кислотали ва ишкорий томонга узгаради. Кон фаол реакциясининг кислотали томонга узгариши ацидоз, ишкорий томонга узгариши алкалоз деб аталади.

Кон плазмасининг таркиби

Кон плазмаси 90-92% сув ва, асосан, оксиллар билан тузлардан ташкил топган 8-10% курук моддадан иборат. Плазмада оксиллардан: альбуминлар – 4,5%, глобулинлар – 2,5-2,8% ва фибриноген – 0,2-0,4% бор. Шунингдек оксил булмаган азотли бирикмалар (аминокислоталар, полипептидлар, сийдикчил, сийдик кислотаси, креатин, креатинин), нейтрал ёглар ва липидлар, глюкоза (4,44-6,66 ммоль/литр ёки 80-120 мг%), минерал тузлар (Na⁺, K⁺, Ca⁺⁺, CI^-, HCO₃^-, HPO₄^-) мавжуд.

Кон плазмасининг оксиллари, уларнинг вазифалари

Кон плазмасининг оксиллари бир канча мухим вазифаларни бажаради:
Кон плазмасининг онкотик бисимини хосил килади. Кон плазмасининг онкотик босими 0,04-0,06 атмосферага тенг (25-30 мм.симоб устуни).
Плазма оксиллари буфер хоссага эга. Шу туфайли рН доимийлигини саклашда катнашади.
Коннинг ёпишкоклигини таъминлайди. Бу эса артериал босим доимийлигини саклаб туришда ахамиятга эга.
Эритроцитларнинг чукишига тускинлик килади.
Коннинг ивишида катнашади.
Иммунитетнинг асосий факторларидан хисобланади. Шу тарика химоя вазифасини бажаради.
Бир катор гормонлар, минерал моддалар. Липидлар ва холестеринни ташишда катнашади.
Креатор богларни амалга оширади. Бунга буйракларда синтезланувчи эритропоэтинларни ташилишини мисол килиш мумкин.
Плазма оксиллари озуки хисобланади ва тукима оксилларини куриш учун ишлатилади.

Кон плазмасининг оксиллари асосан жигарда синтезланади, жумладан, альбуминлар ва фибриноген. Глобулинлар эса шунингдек кумикда, талокда, лимфа тугунларида хам синтезланади. Кон плазмасида хаммаси булиб тахминан 200 грамм оксил бор.

Коннинг шаклли элементлари

Коннинг шаклли элементларига эритроцитлар ёки кизил кон таначалари, лейкоцитлар ёки ок кон таначалари ва ттромбоцитлар ёки кон пластинкалари киради.
Эритроцитлар ёки кизил кон таначалари одамда ва сут эмизувчиларда ядросиз, гомоген протоплазмали хужайралардан иборат.
Эритроцитларнинг тузилишида хужайра таянчи – строма ва юза кават – кобик тафовут килинади. Эритроцитнинг кобиги икки кават фосфолипиддан тузилган. Ички ва ташки томонида мономолекуляр оксил кавати бор. Соглом эркакларнинг 1 мм³ конида 5-6 млн. эритроцит, аёлларда эса 4,5-5 млн. эритроцит бор. Одам организмидаги конинг хаммасида 25 трлн. эритроцит булиб, унга эритрон дейилади. Эритроцитлар микдори узгарувчан булади. Улар микдорининг ортиши эритроцитоз ёки эритремия, камайиши эса эритропения ёки анемия деб аталади.
Алохида эритроцитнинг диаметри 7,2-7,5 мк, калинлиги 2,2 мк, хажми эса 90 мк³ га тенг. Барча эритроцитларнинг умумий юзаси 3000 м² ни ташкил этади. Бу эса катта одамнинг тана юзасидан 1500 марта ортик.
Эритроцитларнинг узига хос шакли шундай катта юзанинг хосил булишига ёрдам беради. Одам эритроцитлари япалок шаклли булиб, иккала томони уртасидан ичкарига ботган. Эритроцитнинг бундай шакли унинг асосий вазифаси, яъни нафас аъзоларидан организм хужайраларига О₂ ташиб бериш вазифасини яхширок бажариш учун кулай.
Эритроцит сут эмизувчиларда ядросиз хужайра булганлиги сабабли у уз утмишдошлари – эритробласт ва нормобластга нисбатан О₂ ни 200 марта кам истеъмол килади. Эритроцит кобиги организмдаги бошка хужайраларнинг кобигидан фарк килиб, Na⁺ ва K⁺ ионларини кам утказувчан, HCO₃^- ва CI^- ионларини, хамда O₂, CO₂, H⁺ ва OH^- ионларини яхши утказади.
Эритроцит билан плазманинг минерал таркиби бир хил эмас: одам эритроцитларида натрийга нисбатан калий купрок. Плазмада эса бунинг акси. Эритроцит таркибидаги курук модданинг 90% ини гемоглобин ташкил этади, колган 10% эса бошка оксиллар, липидлар, глюкоза ва минерал тузлар зиммасига тугри келади.

Гемоглобин

Гемоглобин молекуляр огирлиги 64458 га тенг мураккаб хромопротеид булиб, глобин оксили ва 4 молекула гемдан тузилган. Темир атоми булган гем молекуласи О₂ молекуласини бириктира ва бера олади. Айни вактда О₂ газини бириктириб оладиган темирнинг валентлиги узгармайди, яъни темир икки валентлигича колади.

Гем гемоглобиннинг актив – простетик гурухи, глобин эса гемни олиб юрувчи оксилдир. Соглом эркакларнинг конида 14-16 г% (140-160 г/л), аёлларда эса 12-14 г% (120-140 г/л) гемоглобин бор. Организмдаги гемоглобининг умумий микдори 700 грамм.
Купинча клиникада ранг курсаткичи деб номланувчи катталик аникланади. Ранг курсаткичи – эритроцитларнинг гемоглобин билан туйиниш даражасини курсатади. Уни гемоглобин микдорини эритроцитлар микдорига булиш йули билан хисоблаш мумкин. Меъёрида ранг курсаткичи 0,8-1,0 га тенг. Ранг курсаткичининг 1,0 дан юкори булиши – гиперхромазия, 0,8 дан паст булиши – гипохромазия деб номланади.
Гемоглобин кизил кумикдаги эритро- ва нормобластлар томонидан синтезланади.
Гемоглобиннинг турлари
Одамда гемоглобиннинг бир нечта тури бор. Хомила ривожининг 7-12 хафтасида унинг конида Hb P (примитив гемоглобин) пайдо булади. 9-хафтада хомила конида Hb F (фетал гемоглобин) аникланади. Боланинг тугилиш давврига келиб унинг конида HB A пайдо булади. Бола хаётининг биринчи йилида фетал гемоглобин катта одам гемоглобини билан деярли тула-тукис алмашинади. Hb F нинг HB A дан фарки шуки, Hb F нинг кислородга мойиллиги юкоррок булади. Шу сабабли О₂ нинг таранглиги паст булса хам, Hb F узига кислородни купрок бириктиради.
Турли гемоглобинлардаги гем бир хил булииб, глобинлар бир-биридан аминокислота таркиби билан фарк килади.
Гемоглобиннинг кимёвий бирикмалари

Меъёрида гемоглобиннинг 3 та кимёвий бирикмаси учрайди:

Оксигемоглобин – HbO₂ - гемоглобининг кислородли бирикмаси. У артерия конида куп булади.
Кайтарилган ёки редукцияланган гемоглобин – Hb – кислородни берган гемоглобин.
Карбгемоглобин – HbCO₂ – гемоглобиннинг СО₂ билан бирикмаси. У вена конида учрайди.
Бундан ташкари гемоглобиннинг патологик бирикмалари хам хосил булиши мумкин. Булардан:
Карбоксигемоглобин – HbCO – гемоглобиннинг ис гази билан бирикмаси
Метгемоглобин – MetHb – гемоглобиннинг кислород билан мустахкам бирикмасидир. MetHb хосил булганда, темирнинг валентлиги узгаради: Hb молекуласидаги икки валентли темир уч валентлига айланади. Кучли оксидловчилар таъсир этганда, MetHb хосил булади. Конда MetHb куплаб йигилиб колганда, кон тукималарга О₂ бера олмайди ва организм бугилиб улади.
Миоглобин. Скелет ва юрак мускулларида миоглобин деб аталувчи мускул гемоглобини бор. Ундаги гем гемоглобин молекуласидаги гемга ухшайди, оксил кисми глобин эса гемоглобин оксилига караганда камрок молекуляр огирликка эга.
Гемолиз. Эритроцитлар кобигининг ёрилиб, унинг ичидаги гемоглобиннинг плазмага чикиши гемолиз деб аталади. Бунда плазма кизил рангга буялади ва кон тиниклашади.
Гемолизни юзага келтирувчи омилларнинг характерига кура гемолизнинг бир канча турлари бор:
Кимёвий гемолиз эритроцитларнинг оксил-липид табиатга эга кобигини емирувчи моддалар (эфир, хлороформ, спирт, бензол, сапонинлар, ут кислоталари ва х.к.) таъсирида руй беради.
Механик гемолиз кон солинган идишни каттик чайкатиш вактида юзага келади.
Термик гемолиз конни музлатиб эритганда руй беради.
Биологик гемолиз гурухи ва резуси мос келмайдиган кон куйганда, баъзи илонлар чакканда иммун гемолизинлар таъсирида руй беради.
Осмотик гемолиз. Гемолизнинг бу турида эритроцитлар кобигининг емирилиши уларни ураб турган эритмада осмотик босимнинг пасайиши натижасида руй беради. Бунда сув эритмадан эритроцитлар ичига кириб, уларнинг хажмини катталаштиради ва, нихоят, эритроцитлар кобигини ёриб юборади.

Эритроцитларнинг осмотик резистентлиги (чидамлилиги)

Эритроцитларни ураб турган эритмадаги NaCI нинг кайси концентрациясида гемолиз бошланса, уша концентрация эритроцитларнинг осмотик чидамлилиги улчови хисобланади.
Одамда эритмадаги NaCI нинг концентрацияси 0,44% булганда, гемолиз бошланади (минимал резистентлик), 0,34% ли эритмада эса барча эритроцитлар гемолизга учрайди (максимал резистентлик). Турли касалликларда эритроцитларнинг осмотик чидамлилиги камайиши ва эритмадаги NaCI нинг юкори концентрацияларида хам тулик гемолиз содир булиши мумкин.

Эритроцитларнинг чукиш тезлиги

Антикоагулянтлар (коннинг ивишига карши моддалар) кушилган кон пробиркада турганда, эритроцитлар чукиб колади. Эритроцитларнинг чукиш тезлиги (ЭЧТ) ни аниклаш учун конни натрий цитратнинг 5% ли эритмаси билан аралаштирилиб, миллиметрга булинган шиша найчага олинади ва П.А.Панченков аппаратига урнатилади. Бир соатдан кейин юкоридаги тиник каватнинг баландлиги хисобланади. ЭЧТ меъёрида эркакларда 1-10 мм/ соат, аёлларда 2-15 мм/соат, янги тугилган болаларда 0,5-1,0 мм/соатни ташкил килади. Хомиладор аёлларда ЭЧТ 45-50 мм/соат гача етиши мумкин.

ЭЧТ плазманинг хоссаларига, жумладан, плазмадаги глобулинлар ва фибриногеннинг микдорига боглик. Плазмадаги юкори молекуляр оксиллар шаклли элементларнинг зарядини, хамда уларнинг бир-биридан итарилишини камайтиради. Натижада эритроцитлар бир-бирига ёпишади ва чукади.

Лейкоцитлар

Лейкоцитлар ёки ок кон таначалари организмнинг микроблар, вируслар, хамда турли-туман бегона моддалардан химоя килишда катнашади, яъни иммунитетни таъминлайди.

Катта одамнинг 1 мм³ конида 4000-9000 лейкоцит бор. Уларнинг купайиб кетиши лейкоцитоз, камайиши эса лейкопения деб аталади.
Лейкоцитоз физиологик ва реактив булиши мумкин. Физиологик лейкоцитоз соглом одамда овкатланиш, жисмоний мехнат, каттик хаяжонланиш, бирор ернинг огриши натижасида руй бериши мумкин. У организмда конниинг кайта таксимланиши билан боглик.
Реактив лейкоцитоз яллигланиш, аллергик ва усма касалликларида кузатилади ва кон хосил булувчи аъзолардан конга унча яхши етилмаган лейкоцитларнинг куплаб ажралиши билан характерланади.
Барча лейкоцитлар протоплазмасида доначалар бор-йуклигига караб иккита катта гурухга булинади: гранулоцитлар – донадор лейкоцитлар ва агранулоцитлар – донасиз лейкоцитлар.
Гранулоцитлар доначаларининг кандай буёклар билан буялишига боглик холда куйидагиларга булинади: 1. Эозинофиллар (доналари нордон буёклар билан, масалан эозин билан буялади); 2. Базофиллар (доналари асосли буёклар билан буялади); 3. Нейтрофиллар (доналари нейтрал буёклар билан буялади).
Агранулоцитларнинг эса иккита тури фаркланади: 1. Моноцитлар; 2. Лимфоцитлар.
Хар хил турдаги лейкоцитлар уртасидаги фоиз нисбатга лейкоцитар формула ёки лейкограмма дейилади. Катта одам лейкограммаси нисбатан доимий булиб, унинг узгариши турли касалликлар белгиси хисобланади.
Нейтрофиллар барча лейкоцитларнинг 50-75%ини ташкил килади Асосий вазифаси фагоцитоз килиш ва антителолар ишлаш. Нейтрофиллар амёба сингари харакат кила олади. Уларнинг харакат тезлиги минутига 40 мк га тенг. Битта нейтрофил 15-20 тагача бактерияни ютиб юбориши мумкин.
Эозинофиллар оксил табиатли захарларни ва ёт оксилларни парчалаш, хамда зарарсизлантириш билан шугулланади. Эозинофиллар сони аллергик хасталикларда (бронхиал астма, ревматизм, гижжа ва х.к.) купаяди.
Базофиллар протоплазмасидаги гранулаларда гепарин ва гистамин бор. Уткир яллигланишнинг якунловчи боскичида ва сурункали яллигланишда базофиллар сони купаяди. Бу хужайралардаги гепарин коннинг ивишига тускинлик килади, гистамин эса микроциркулятор томирларда кон окишини яхшилайди. Бу эса яллигланиш учокларидаги сурилиш ва битиш жараёнларига ёрдам беради.

ЛЕЙКОЦИТЛАР
Гранулоцитлар						Агранулоцитлар
Нейтрофиллар 50-75%				Эозинофиллар 1-5%	Базофиллар 0-1%	Моноцитлар 2-10%	Лимфоцитлар 20-40%
Миелоцит 0%	Метамиелоцит 0-1%	Таёкча ядроли нейтрофил 1-5%	Сегмент ядроли нейтрофил 45-70%

Агранулоцитларга моноцитлар ва лимфоцитлар киради. Моноцитлар кумикда, лимфа тугунларида ва бириктирувчи тукимада хосил булади. Улар кондан яллигланиш учогига утиб, макрофагларга айланади. Булар фагоцитоз киладиган йирик хужайралардир. Яллигланиш учогида кислотали мухит пайдо булади. Бунда нейтрофиллар уз фаоллигини йукотади. Шунда уларнинг вазифасини моноцитлар уз зиммасига олади.
Лимфоцитлар лимфа тугунларида, талокда, айрисимон безда ва шиллик пардаларда ривожланади. Бошка лейкоцитлардан фаркли равишда, улар бир неча кун эмас, балки 20 йил ва ундан ортик яшаши мумкин. Улар организм иммун тизимининг марказий эвеноси хисобланади. Барча лимфоцитлар 3 та гурухга булинади: Т-лимфоцитлар, В-лимфоцитлар ва ноль-лимфоцитлар.
Т-лимфоцитлар кумикда хосил булиб, айрисимон безда дифференцировкаланади. Т-лимфоцитларнинг бир нечта шакли мавжуд: Т-хелперлар (ёрдамчилар) В-лимфоцитлар билан узаро таъсир этиб, уларни плазматик хужайраларга айлантиради. Т-супрессорлар В-лимфоцитларнинг меъёридан ортик реакцияларини блоклайди, хамда хар хил турдаги лейкоцитлар орасидаги доимий нисбатни таъминлаб туради. Т-киллерлар (котил хужайралар) хужайра иммунитети реакциясини бевосита амалга оширади. Улар бегона хужайралар билан узаро таъсир этиб, уларни емиради. Т-лимфоцитлар ичида шунингдек амплифайер хужайралар хам ажратилади. Улар киллер-хужайраларни фаоллайди. Шу тарика иммун-хотира хужайралари хисобланади.