XiMiYa kabinetine qoyilatuǵin talaplar

JEKE QORǴANIW QURALLARINAN
PAYDALANIWDI ÚYRENiW
Instrukciyaǵa muwapiq, ximiyalıq laboratoriyada islewshi barlıq adamlar xalat, qorǵawshi qolǵap, kózáynek hám maskalar menen támiynlengen bolıwı kerek. Laboratoriyada kiyimlerdi saqlaw ushın arnawli shkaf bolıwı kerek. Bul kiyimlerdi laboratoriyadan alıp ketiw qadaǵan etiledi. Oqiwshilar ushın xalatlar aq reńde, laborantlar ushın qara reńdegi xalatlardı kiyiw qabil etilgen.
Sonday-aq, kislota hám siltiler menen islesiwde kislota hám siltilerge shidamli qolqaplardan da paydalaniw zárúr. Házirgi waqitta ápiwayi qolqaplarǵa qaraǵanda 2-3 márte soziliwshi materiallardan tayarlanǵan qorǵawshi qolqaplar kóbirek tayarlanbaqta. Qolqapti isletiwden aldin oni tekserip kóriw kerek, sebebi qolqapta tesik hám kesilgen jerleri de bolıwı múmkin.
Júz hám kózdi qorǵawshi qurallardan biri jeńil hám organikalıq shiysheden tayarlanǵan shlem hám reńsiz qorǵawshi kózáynekler bolıp esaplanadi. Zárúr jaǵdaylarda bolsa toq-kók reńdegi shiysheden tayarlanǵan kózáyneklerden paydalaniw kerek. Oqitiwshınıń ózi individual xalat, qorǵawshi kózáynek, maska, rezina qolqap penen támiyinleniwi lazim.
Halatlardıń xizmet muddeti - 1 jil, kózáynekler - 2 jil, rezina qolqapları -3 ay bolıwı kerek.
Mektep protivogaz, respiratorlar hám basqada qorǵaniw quralları menen támiyinleniwi kerek.
MORILI ShKAFTAǴI VENTiLYaCiYa SiSTEMALARINIŃ i SLEW NÁT i YJEL i L i G i N TEKSER i W
Ximiya kabineti hawasin tiykarǵi pataslandiriwshisi demonstraciyalıq tájiriybeler orinlanǵanda ajiralıp, shiǵaratuǵin gaz hám puwlar bolıp esaplanadi. Az mudette bolsa da záhárli gazlardıń koncentraciyasınıń normadan asip ketiwi normal sanitar- gigienalıq sharayatlardıń buzilıwına, oqiwshilardı talıqtiriwǵa, oqitiwshi hám laborantlardı qásip keselligine duwshar qiliwǵa alıp kelıwı múmkin. Buniń aldin aliw ushın ximiyalıq laboratoriyada ventilyaciya jaqsi islewi kerek.
Pataslanǵan hawani pataslaniw jayinan (orninan) tuwridan-tuwri sorip alıniwina «aspiraciya» delinedi.
Laboratoriyada ornatılatuǵin ventilyatordiń kemshiligi sonnan ibarat, ol islep atırǵanda qatti shawqim shiǵaradi. Sol sebepli eger iláji bolsa, ventilyatordi sirt tóbege ornatıw kerek. Ventilyator bekkem diyual ústine ornatılıwı lazim, keri jaǵdayda ol binani zirildetip jiberedi.
Ventilyatorga may súrtiw, tazalaw hám buzilǵanda dúzetiw ushın oniń aldina baratuǵin jol ashiq bolıwı shárt. Tokti úziwshi reostat hám rubilnik páske morili shkaf janina ornatıladı.
Ventilyator járdeminde morili shkaftan xanaǵa tarqalǵan záhárli zatlar hám isitqish ásbaplardan ajiralǵan issilıq sirtqa shiǵarilıp jiberiledi.
Morili shkaflarǵa soriw jónelisin ózgertiwshi úskeneler ornatılsa, jaqsi boladı, sebebi hawadan awir gaz hám puwlar (Br₂, Cl₂, SO₂) tómennen hám hawadan jeńilleri (N₂ hám eritiwshi puwları) joqarıdan sorip shiǵariladı.
Morili shkafta tájiriybe alıp barilıp atırǵan waqitta oniń esiklerin tolıq bekitip qoymaw kerek. Sebebi soriliw bolmawi aqibetinen morili shkaf islemey qaladı. Morili shkaf esiklerin júdá kóp aship qoyıw da soriwdiń tezligin tómenletedi.
Morili shkaftiń gaz tartip aliw kúshin, xáreketin biliw ushın esigin 5 sm kóterip, sol jerge shirpi jaǵip tutiladı. Eger morili shkaf tartip atırǵan bolsa, jalınniń baǵdari shkaf tárepke iyilıwı hám óship qalıwı kerek.
Morili shkaflardıń tartiw kúshin monometr menen de anıqlaw múmkin.