Я. Маматова, С. Сулайманова

 
Баҳо жуфтликларга қўйилади. 
Натижаларни 5 дан 1 гача бўлган шаклада баҳолаш (5 – энг юқори баҳо) 
бўйича тавсиялар: 
5: талаба ахборот эҳтиёжларини аниқлади, уларни қандай қондиришни билади 
ва тўлиқ ахборот тақдим этди. 
4: талаба деярли барча ахборот эҳтиёжларини аниқлади, уларни қандай 
қондиришни билади, деярли тўлиқ ахборот тақдим этди. 
3: талаба барча ахборот эҳтиёжларини аниқлай олмади, айрим ахборотлар 
мавжуд эмас. 
2: талаба фақат бир нечта ахборот эҳтиёжларини аниқлади, зарур бўлган барча 
ахборот тақдим этилмади. 
1: талаба ўзининг ахборотга бўлган эҳтиёжини тўлиқ аниқлай олмади ва уни 
тушунарли шаклда тақдим эта олмади. 
 
 

---

81 
5-МОДУЛЬ. 
МЕДИА ВА АХБОРОТ САВОДХОНЛИГИ: 
МУЛОҚОТ ВА ҲАМКОРЛИК 
Медиалар ҳаётнинг деярли барча соҳаларида мавжуд, шу боис олий ўқув 
юртлари(ОЎЮ)да медиа йўналишидаги таълимни турли ёндашувлар асосида ҳамда 
турли мутахассисликлар доирасида ташкил этиши зарур. Аслида барча тузилмалар 
– ахборот ресурс марказлари, кутубхоналар, экспертлар, олий ўқув юртларининг 
тегишли бўлинмаларининг ҳамкорлигини ташкил этиш мақсадга мувофиқ 
ҳисобланади. Ёшлар марказлари ва кутубхоналар медиатаълим учун зарур бўлган 
барча ресурсларни тақдим этиши мумкин, бу эса ҳамкорликнинг самарадорлигини 
ва талабалар учун фойдасини янада оширади. ОЎЮда медиатаълим турли норасмий 
клублар воситасида ва кўмагида ҳам ташкил этилиши мумкин. Талабалар ушбу 
клубларда ёрдамчи бўлиши мумкин, чунки уларда медиалардан фойдаланиш бўйича 
умумий одатлар ривожланган. Қуйи босқич талабалари юқори босқичдагиларни 
медиалар билан боғлиқ масалаларда ишончли мураббий, деб ҳисоблайди. 
Ушбу модулнинг мақсади ОЎЮ доирасида ҳам, ундан ташқарида ҳам 
ҳамкорлик ўрнатишга кўмаклашишдан иборат. Қуйида ёшлар билан ишлайдиган 
ташкилотлар ва кутубхоналарнинг ҳамкорликдаги лойиҳаларидан намуна 
келтирилган. 
Ушбу модулни ўзлаштиргандан сўнг талабалар қуйидагиларни билиб олади: 
– Кутубхоналарнинг медиатаълим йўналишида фаолият олиб бораётган ёшлар 
марказлари билан ҳамкорлиги тўғрисида; 
– ОЎЮда медиаклубни ташкил этиш имкониятларини; 
– Ёшларни клуб фаолиятига ёрдамчи сифатида жалб этиш имкониятларини.