Я. Маматова, С. Сулайманова

Натижаларни 5 дан 1 гача бўлган шкалада баҳолаш (5 – энг юқори баҳо) 
бўйича тавсиялар: 
5: талабалар маъқул манбаларни топди ва улардан батафсил таҳлил учун 
фойдаланди. Улар қайд этилган ресурслардан олинган ахборотни шахсий кузатуви 

---

78 
билан бирлаштириб, ишонарли изоҳлар келтирди. Улар Интернетдан олинган 
ахборотнинг ишончлилигини баҳолаш методикасини яхши ўзлаштирди. 
4: талабалар манбаларнинг ярмидан кўпини топди. Улар асосланган таҳлил 
тайёрлади, аммо у батафсилроқ ва ҳар томонлама ўйланган бўлиши мумкин эди. 
Интернетдан олинган ахборотнинг ишончлилигини баҳолаш методикаси юзасидан 
кўп нарса ўрганилди. 
3: талабалар манбаларнинг ярмини топди, ахборот баҳолашнинг маълум 
асосларига эга таҳлил тайёрлади, аммо ўз кузатувларини амалиёт билан бирлаштира 
олмади. Мақолага қараганда, улар ўрганаётган мавзу юзасидан янги билимга эга 
бўлди, дейиш мумкин. 
2: талабалар кам манба топди, тақдим этилган таҳлили мазмун жиҳатидан саёз, 
фақат топилган ахборотга асосланган, унда мулоҳазалар учрамайди, машқни 
бажариш асносида янги билим кам ўрганилди. 
1: талабалар фақат бир-иккита манба топди, таҳлиллари жуда ҳам юзаки. 
Топилган манбаларга таяниб, назарияни ўз амалий кузатувлари билан умумлаштира 
олмади. 
9. Википедиянинг ишончлилиги 
 
Машқнинг мақсади: танқидий фикрлаш кўникмаларини ривожлантириш. 
Материаллар: Интернетга уланган компьютерлар. 
Интернетдан фойдаланувчиларнинг биргаликдаги изланиши натижасида 
яратиладиган йирик энциклопедия ҳисобланган Википедия билан талабаларни 
таништириш. Википедияда қандай ахборотлар мавжуд? Мақолаларни ёзишда 
кимлар иштирок этиши мумкин? Унда мавжуд ахборотнинг ишончлилигини қандай 
аниқлаш мумкин? Википедиядан дунёнинг йирик медиакорпорациялари тўғрисида 
ахборот топинг. Улар ҳақида нималар ёзилган? Қандай ахборотлар мавжуд эмас? 
Матнда ёшларнинг нуқтаи назари ҳам акс этганми? 
Аудиторияни 
жуфтликларга 
ажратинг 
ва 
талабалардан 
Википедия 
мақолаларини қайта ишлашни сўранг. Жуфтликларга ички ва ташқи ҳаволаларни, 
шунингдек, Википедиянинг бошқа манбаларига ҳаволаларни қандай амалга 
оширишни аниқлашни топширинг. Талабалар медиакорпорацияларга доир 
саҳифаларни қайта ишлаши мумкин. Улардан ўз матнлари учун энг ишончли 
манбаларни топишни ва матнда белгилаб чиқишни сўранг. 
Уларга ўзи таҳрир қилган саҳифага ҳавола беришни ҳамда қандай ва нима 
учун ўзгаришлар қилганини қайд этишни топширинг. Шунингдек, улар матнда 
фойдаланилган ахборот манбаларига ҳам ҳаволалар бериши зарур. Кейинги бир 
неча ой давомида бошқа фойдаланувчилар мақолаларни таҳрир қилишини кузатиб 
боринг.