Юқори молекуляр бирикмалар кимёси фанидан лаборатория машғулотлари учун

СОПОЛИМЕРЛАНИШ РЕАКЦИЯЛАРИ
Стиролни метакрил кисолотаси билан сополимерланиши
Ишдан мақсад: Сополимерланиш константаларини аниқлаш.
Реактивлар: Стирол, метакрил кислотаси, инициатор, диметилформамид (ДМФ).
Жиҳозлар: ампулалар (3 та), пипеткалар (2 та), 100 см³ ҳажмли стакан (3 та), Петри косачачи (3 та), конуссимон колба (3 та), термостат.
Ишнинг бажарилиши: Учта тоза ампулага 0,015 г дан инициатор солинади ва улардан биринчисига 4 мл стирол (СТ) ва 1 мл метакрил кислотаси (МАК) қуйилади. Иккинчи ампулага 2,5 мл СТ ва 2,5 мл МАК, учинчи ампулага эса 1 мл СТ ва 4 мл МАК қуйилади. Ҳар бир ампулага 5 мл дан ДМФ ёки толуол қуйилади. Суюқликлар инициатор эриб кетгунча аралаштирилади ва ампулалар оғзи беркитилади. Ампулалар термостатга ўрнатилиб, 60⁰ С да 20-30 минут ушлаб турилади. Реакция ўтказилган эритмалар стаканлардаги чўктирувчи (гептан) устига томчилатиб қуйилади. Чўкма фильтрланади, ювилади ва қуритилади. Ҳосил бўлган сополимерларда карбоксил гуруҳ миқдори ва ундан фойдаланиб сополимер таркиби топилади. Карбоксил гуруҳлар миқдорини топиш учун сополимер ДМФ да эритилиб, КОН нинг спиртдаги 0,1 М эритмаси билан титрланади:
α = (V₁ – V₂) ∙ f ∙ 0,0045 ∙ 100/g
α - карбоксил гуруҳ миқдори, % .
V₁ ва V₂ – полимер эритмасини ва контроль эритмани титрлаш учун сарф бўлган ишқор эритмасининг миқдори, мл.
g – полимер оғирлиги.
Карбоксил гуруҳнинг миқдоридан фойдаланиб МАК нинг сополимердаги миқдори топилади:
Х₂ = α ∙ М_МАК / М_ф.г.

Х₂ – МАК нинг сополимердаги миқдори, %, М_МАК – МАК нинг молекуляр массаси, М_ф.г – функционал гуруҳнинг молекуляр массаси; Стиролнинг сополимердаги миқдори Х₁ = 100- Х₂ дан топилади. Юқоридаги қайд этилган мономерларнинг дастлабки аралашмадаги миқдоридан ва МАК нинг сополимер таркибидаги миқдоридан фойдаланиб М₁, М₂, m₁ ва m₂ яъни дастлабки аралашмадаги мономерларнинг моляр қисми ва сополимер таркибидаги мономер звеноларининг моляр қисмлариҳисобланиб жадвалга ёзилади.

М₁ ва М₂ ларни концентрациясини моляр қисмга ўтказиш учун реакцияга олинган ҳажмий нисбатларни авало зичлиги орқали оғирлик қисми ўтказилади. m₁ ва m₂ лар эса қуйидагича топилади:

Х_1, Х₂ – лар мономернинг сополимердаги миқдори % (оғирл), А₁, А₂ – лар эса М₁ ва М₂ мономерларнинг молекуляр массаси.

Мономер аралашмасининг таркиби				Сополимернинг миқдори		Сополимернинг таркиби
ҳажм нисбатда		моляр қисмда		г	%	оғирлиги бўйича, %		моляр қисм
М1	М2	М1	М2			m1	m2	m1	m2

Жадвалдаги натижалар асосида Майо-Льюис ва Файн-ман-Росс методлари билан r₁ ва r₂ ҳисобланади. Вазифа сифатида Q ва е ларни ҳам ҳисоблаш топширилади.