Yuqori molekulali birikmalar va plastmassalar texnologiyasi

O‘ZBEKISTON RESPUBLIKASI OLIY VA
O‘RTA MAXSUS TA’LIM VAZIRLIGI


TOSHKENT KIMYO-TEXNOLOGIYA INSTITUTI


ABDURASHIDOV TO‘XTAMUROD RASHIDOVICH nomidagi
"YUQORI MOLEKULALI BIRIKMALAR VA PLASTMASSALAR TEXNOLOGIYASI"
kafedrasi

“YUQORI MOLEKULALI BIRIKMALAR ISHLAB CHIQARISH TEXNOLOGIYASI”

fanidan


LABORATORIYA MASHG‘ULOTLARI
bajarish uchun


USLUBIY QO‘LLANMA

5320400-Kimyoviy texnologiya (yuqori molekulali birikmalar)

Toshkent-2021
Tuzuvchilar:
Ishmuxamedova M.G. TKTI “Yuqori molekulali birikmalar va plastmassalar texnologiyasi” kafedrasi katta o’qituvchisi
Toxirov M.I. TKTI “Yuqori molekulali birikmalar va plastmassalar texnologiyasi” kafedrasi assistenti .
Taqrizchi: S.Xoliqova - “OKOOST” kafedrasi dotsenti, t.f.d.
X.S.Beknazarov - TKT ilmiy tadqiqot institut etakchi ilmiy xodimi t.f.d.,prof.

Uslubiy qo‘llanma “Yuqori molekulali birikmalar va plastmassalar texnologiyasi” kafedrasi majlisida muhokama qilingan va fakultet Ilmiy-uslubiy kengashida ko‘rib chiqish uchun tavsiya etilgan.

Bayonnoma № ___ ___ ____________ 2021

“YuMBPT” kafedrasi mudiri: dots. R.I.Adilov

Uslubiy qo‘llanma “NMKT” fakulteti Ilmiy-uslubiy kengashida ko‘rib chiqilgan va muhokama qilingan.

Bayonnoma № ___ ___ ____________ 2021

“NMKT” fakulteti dekani dots. Yo.T.Safapov

Uslubiy qo‘llanma institut Ilmiy-uslubiy kengashida ko‘rib chiqilgan va muhokama qilingan.

Bayonnoma № ___ ___ ____________ 2021
Ilmly uslubiy kengash raisi t.f.d. T.T.Safarov


Laborotoriya ishi №1


Mavzu:Stirolni akrilonitril bilan sopolimerini suspenziya usulida olish.


Ishdan maqsad: Ushbu laboratoriya mashg‘ulotida polimerlarnish reaksiyalari yordamida sintetik YuMB lar ishlab chiqarishning suspenziya usuli bilan sopolimerlar sintez qilinadi. Sintez qilingandan so‘ng polimerlarning hosil bo‘lish unumdorligi aniqlaniladi.
Nazariy qism: Ikki va undan ortiq tur monomerlarining birgalikda polimer­lanish reaksiyasi sopolimerlanish reaksiyasi deb, hosil bo‘lgan poli­mer esa sopolimer deb ataladi.
Sopolimerlanish reaksiyasi, kerakli talabga javob bera oluvchi polimerlar sintez qilishning asosiy usullaridan biri hisoblanadi, chunki bunda polimerlanuvchi monomerlarning soni va turlarini hamda ularning o‘zaro miqdoriy nisbatlarini o‘zgartirib, turli hossalarga ega bo‘lgan sopolimer olish mumkin.
Polimerlanish qobilyati har xil bo‘lgan ikki monomer aralashma­sining sopolimerlanishidan hosil bo‘lgan makromolekulalar tarkibida har ikkala monomer halqalarini uchratish mumkin, ya’ni bunda o‘sayot­gan zanjir reaksiyada ishtirok etuvchi monomerlarning har ikkalasi bilan ham reaksiyaga kirishgan bo‘ladi. Demak, makroradikalning xos­sasi, asosan, uning uchidagi monomer halqasi xususiyati bilan xa­rakterlanadi.