Ўзбекистон республикаси адлия вазирлиги юристлар малакасини ошириш маркази ф. Э. Мухамедов

31-масала 
Туман суди фуқаро Ш.ни Ўзбекистон Республикаси ЖК 266-
моддасининг иккинчи қисми билан айбли топиб, унинг айбига иқрор ва 
пушаймон эмаслигини жазони оғирлаштирувчи ҳолат сифатида эътиборга 
олиб, тегишли жазо тайинлаган. 
– Суднинг бу масаладаги тўхтами қонунийми? 
– Жазони оғирлаштирувчи ва енгиллаштирувчи ҳолатларни қўллаш 
тартибини тушунтиринг.
– жавобни тавсия этилган Ўзбекистон Республикаси Олий суд 
Пленумининг қарорига асосланиб беринг. 
32-масала 
Фуқаро З. олдиндан ўйланган режага асосан тунда фуқаро М.ни ишдан 
қайтаѐтган вақтда унинг қимматбаҳо тақинчоқларини зўрлик билан эгаллаш 
мақсадида унга ташланган, лекин унга М. қаттиқ қаршилик кўрсатади.
Шунда З. ѐнида бўлган ошпичоқни М.нинг кўкрак қисмига икки марта 
уриб, унинг ѐнида бўлган пул ва тилла тақинчоқларини олиб воқеа жойидан 
яширинади. М. кўп қон йўқотиши натижасида шифохонада вафот этган.
– фуқарo З.нинг қилмишини квалификация қилинг. 
– З.нинг қилмишида жазони оғирлаштирувчи ҳолатлар мавжудми? 

---

84 
– жавобни тавсия этилган Ўзбекистон Республикаси Олий суд 
Пленумининг қарорига асосланиб беринг. 
33-масала 
Фуқаро Ж. қасддан одам ўлдирганликда гумон қилиниб ушланган. У 
ҳимоячи иштирокида сўроқ қилинганида, жуда маст ҳолда бўлганлиги 
сабабли ушбу жиноятни содир қилганлигини, агар хушѐр бўлганида бундай 
ишни қилмаган бўлишини билдирган.
Экспертиза хулосаси фуқаро Ж. ушбу жиноятни содир этиш вақтида 
кучли мастлик ҳолатида бўлганлигини тасдиқлаган.
– фуқарo Ж.нинг қилмишини квалификация қилинг. 
– Мастлик ҳолатида жиноят содир этиш қандай ҳуқуқий оқибатни 
келтириб чиқаради?
– жавобни тавсия этилган Ўзбекистон Республикаси Олий суд 
Пленумининг қарорига асосланиб беринг. 
34-масала 
Олий ўқув юрти талабаси Ш. спиртли ичимлик истеъмол қилиб, маст 
ҳолда ўзи яшайдиган ѐтоқхонанинг бошқа қаватида турувчи талаба Г.нинг 
хонасига кириб, номусига тегиш мақсадида уни полга йиқитган. Бироқ Г. 
унга фаол қаршилик кўрсата бошлаган.
Унинг қаршилигини енгиш учун Ш. чўнтагидан пичоқ олиб, Г.нинг 
томоғига тираб, ўлдириш билан қўрқитган. Ҳаѐти хавф остида қолган Г. 
қаршиликни тўхтатган. Ш. бундан фойдаланиб унинг номусига теккан. 
– фуқарo Ш.нинг қилмишини квалификация қилинг. 
– Мастлик ҳолатида жиноят содир этиш қандай ҳуқуқий оқибатни 
келтириб чиқаради?
– жавобни тавсия этилган Ўзбекистон Республикаси Олий суд 
Пленумининг қарорига асосланиб беринг.