Ўзбекистон республикаси давлат божхона қЎмитаси божхона институти

Кассация инстанцияси судида иш юритиш - Кассация шикояти 
(протести) суднинг ҳал қилув қарори қонуний кучга кирганидан кейин 
бир ой ичида берилиши мумкин. Ишда иштирок этувчи шахслар, 
шунингдек ишда иштирок этишга жалб қилинмаган, аммо ҳуқуқлари ва 
мажбуриятлари тўғрисида суд ҳал қилув қарори қабул қилган шахслар 
биринчи инстанция судининг қонуний кучга кирган, апелляция 
тартибида кўрилмаган ҳал қилув қарори устидан кассация шикояти, 
прокурор эса кассация протести беришга ҳақлидир. Ўзбекистон 
Республикаси Президенти ҳузуридаги Тадбиркорлик субъектларининг 
ҳуқуқлари ва қонуний манфаатларини ҳимоя қилиш бўйича вакил 
биринчи инстанция судининг қонуний кучга кирган, апелляция 
тартибида кўрилмаган ҳал қилув қарори устидан кассация шикояти 
беришга ҳақлидир. Кассация инстанцияси суди кассация шикоятини 
(протестини) кўриш натижалари бўйича қарор қабул қилади, қарор 
ишни кўрган судьялар томонидан имзоланади. 
Суд ҳужжатларини назорат тартибида қайта кўриш бўйича 
иш юритиш – назорат шикояти (протести) суднинг ҳал қилув қарори 
устидан у қонуний кучга кирган кундан эътиборан бир йил ичида 
берилиши мумкин. Қонуний кучга кирган суд ҳужжатлари, агар ишда 
иштирок этувчи шахсларнинг ва бошқа шахсларнинг ҳуқуқлари, 
эркинликлари ҳамда қонуний манфаатлари ушбу суд ҳужжатлари 

---

26 
туфайли бузилган бўлса, ушбу шахсларнинг шикоятлари бўйича ѐки 
Ўзбекистон 
Республикаси 
Бош 
прокурорининг 
ва 
унинг 
ўринбосарларининг 
протести 
бўйича, 
шунингдек 
Ўзбекистон 
Республикаси Президенти ҳузуридаги Тадбиркорлик субъектларининг 
ҳуқуқлари ва қонуний манфаатларини ҳимоя қилиш бўйича вакилнинг 
шикоятлари бўйича, Ўзбекистон Республикаси Олий судининг 
иқтисодий ишлар бўйича судлов ҳайъати томонидан назорат тартибида 
қайта кўрилиши мумкин. Судлов ҳайъатига апелляция ѐки кассация 
тартибида кўрилган ишлар бўйича туманлараро, туман (шаҳар) 
иқтисодий судларининг, Қорақалпоғистон Республикаси, вилоятлар ва 
Тошкент шаҳар иқтисодий судларининг қонуний кучга кирган ҳал қилув 
қарорлари ва апелляция ва кассация инстанцияси судларининг 
қарорлари устидан шикоят қилинади. Ишни назорат тартибида кўрган 
суднинг қарори қабул қилинган кундан эътиборан қонуний кучга 
киради. Ўзбекистон Республикаси Олий суди Раѐсатининг қарори 
устидан шикоят қилинмайди (протест келтирилмайди).