Ўзбекистон республикаси халқ таълим вазирлиги

Hurmatli Bahrom Karimovich!

Bizning birlashmamiz Sizni qurilish bo’yicha bosh muhandis lavozimiga ishga qabul qilishga tayyor.

Sizga va oilangiz a’zolariga shu ikkinchi yarmida foydalanishga topshiriladigan, birlashmaga qarashli binodan ikki xonali uy ajratiladi.

Birlashma direktori (imzo) N.R. Nosirov

Bosma ish qog’ozidagi tarkibiy qismlar
(muassasa va u bo’ysungan yuqori idora nomi, manzili)

№ 54/84
2003-yil 20-iyul

MA’LUMOTNOMA

Ismoil Abdullayevich G’aybullayev Farg’ona shahar poyabzal ishlab chiqarish korxonasida sozlovchi bo’lib ishlaydi.

O’rtacha oylik maoshi 35 (o’ttiz besh) ming so’m.
Ma’lumotnoma Farg’ona shahar 3-uy-joy boshqarmasiga taqdim etish uchun berildi.

Xodimlar bo’limining boshlig’i (imzo) A. Usmonova

Bosh hisobchi (imzo) N. Karimova

(muhr)







TAVSIYANOMA

Men Hakim Shamsiddinovni 1974-yildan beri yaqindan taniyman, 1984-yildan boshlab O’zFA Til va adabiyot institutida birga ishlaymiz. Bu davr ichida u atamashunoslik sohasida yetuk mutaxassis sifatida tanildi, filologiya fanlari nomzodi bo’ldi. Uning dissertatsiya ishi, bir qancha maqolalari ilmiy puxtaligi bilan ajralib turadi.

H.Shamsiddinov intizomli va qat’iyatliligi bilan jamoada obro’ qozongan, totuv oilaning boshlig’i. institut ilmiy va ijtimoiy hayotida faol ishtirok etib kelmoqda.
Shu sababli men Hakim Shamsiddinovni O’zbekiston Respublikasi Vazirlar Mahkamasi huzuridagi Atamashunoslik qo’mitasida ishlash uchun tavsiya qilaman.

Filologiya fanlari nomzodi (imzo) A. Qosimov

2003-yil 13-avgust





TARJIMAYI HOL

Men, Salimov Karim Olimovich, 1955-yil 15-sentabrda Toshkent shahrida, xizmatchi oilasida tug’ildim. Otam – Salimov Olim Oripovich, Toshkent pedagogika bilim yurtida o’qituvchi onam – Rahimova Gulnora Azimovna, 122-bolalar bog’chasida bosh tarbiyachi bo’lib ishlaydilar.

1962-yilgacha Toshkent shahridagi 1-o’rta maktabda o’qidim. 1972-yilda Toshkent Politexnika institutining qurilish fakultetiga o’qishga kirdim. 1973-1975-yillarda armiya safida xizmatni o’tab qaytgach, o’qishni davom ettirdim va 1979-yilda shu institutni intiyozli diplom bilan tugatib, quruvchi-muhandis mutaxassisligiga ega bo’ldim. Yo’llanma bilan Toshkentdagi 166-qurilish 94-mexanizatsiyalashgan korxonasiga ishga yuborildim. Dastlab muhandis lavozimida, 1984-yildan bosh muhandis lavozimida ishlayapman.
1986-yilda rejadagi topshiriqlarni muvaffaqiyatli bajarganimiz va erishilgan natijalar uchun Respublika Qurilish vazirligining faxriy yorlig’i bilan taqdirlandim.
Bir necha jamoat ishlarida ham qatnashaman, jumladan, 166-qurilish tresti kasaba qo’mitasi byurosining a’zosiman.
1995-yildan XDP ‘zosiman.
Uylanganman. Xotinim – Rasulova Muhabbat, 1959-yilda tug’ilgan.
2-shahar kasalxonasida hamshira bo’lib ishlaydi. Og’lim – Salimov Nodir, 1980-yilda tug’ilgan, O’zMU talabasi. Qizim – Salimova Lola, 1985-yilda tug’ilgan, 261-maktabda o’qiydi.
Mening turar joyim: 700210, Toshkent, Usmon Nosir ko’chasi, 5-uy, 27-xonadon, Tel: 72-28-61.