Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти к. Б. Уразов, Н. У худайбердиев

Банкдаги валюта счёти бўйича операцияларни
счётларда акс эттириш

№	Операциянинг мазмуни	Дебет счет	Кредит счет	Ёзувга асос бўлувчи ҳужжат
1. Хорижий валютанинг кирими
1.1.	Корхона кассасидан топширилганда	5210	5020	Нақд пул топширишга эълон, банк кўчирмаси, чиқим касса ордери
1.2.	Харидорлардан бўнак сифатида тушган валюта маблағларига	5210-5220	6310	Тўлов топшириқномаси, мемориал-ордер, банк кўчирмаси
1.3.	Таъсичилардан келиб тушган валюта маблағларига	5210-5220	4610	Нақд пул топширишга эълон, тўлов топшириқномаси, банк кўчирмаси
1.4.	Харидорлардан келиб тушган дебиторлик қарзлар суммасига	5210-5220	4010-4020, 4110-4120	Нақд пул топширишга эълон, тўлов топшириқномаси, банк кўчирмаси
1.5.	Банкдан кредит хорижий валютада олинганда	5210- 5220	6810	Мемориал-ордер, банк кўчирмаси
1.6.	Бошқа корхоналардан қарзга хорижий валюта маблағлари олинганда	5210-5220	6820	Тўлов топшириқномаси, банк кўчирмаси
1.7.	Таъминотчилардан уларга ўтказилган валюта маблағлари қайта келиб тушганда	5210- 5220	6010	Тўлов топшириқномаси, банк кўчирмаси
1.8.	Беғараз молиявий ёрдам сифатида кирим қилинган хорижий валюта маблағлари суммасига	5210-5220	9380	Тўлов топшириқномаси, банк кўчирмаси
1.9.	Мақсадли тушумлар сифатида кирим қилинган валюта маблағлари суммасига	5210-5220	8810- 8890	Тўлов топшириқномаси, банк кўчирмаси
1.10.	Бошқа депозит валюта счётларидан келиб тушган пул маблағларига	5210-5220	5510- 5530	Тўлов топшириқномаси, мемориал-ордер, банк кўчирмаси
1.11.	Бошқа дебиторлардан пул маблағлари келиб тушганда	5210-5220	4810-4890	Кирим касса ордери
1.12.	Хорижий валютадаги молиявий инвестицияларнинг қайтарилишига	5210- 5220	0610-0690, 5810	Тўлов топшириқномаси, мемориал-ордер, банк кўчирмаси
1.13.	Валюта счёти бўйича ижобий курс фарқларига	5210-5220	9540	Бухгалтерия ҳисоб-китоби
1.14.	Валюта счёти бўйича ижобий курс фарқларига	9630	5210-5220	Бухгалтерия ҳисоб-китоби
	2. Валюта маблағларининг чиқими
1.1.	Корхонага берилган нақд валюта маблағларига	5010	5210-5220	Чек, банк кўчирмаси
1.2.	Таъминотчиларга бўнак сифатида ўтказилган валюта маблағларига	4310	5210-5220	Тўлов топшириқномаси, банк кўчирмаси
1.3.	Таъминотчилар олдидаги кредиторлик қарзнинг ўтказилган валюта суммасига	6010	5210-5220	Тўлов топшириқномаси, банк кўчирмаси
1.4.	Харидорларга улардан олинган бўнакларнинг хорижий валютада қайтарилган суммасига	6310	5210-5220	Тўлов топшириқномаси, банк кўчирмаси
1.5.	Турли кредиторлик қарзларнинг узилишига	6910- 6990	5110	Тўлов топшириқномаси, тўлов талабномаси, инкассо топшириқномаси,банк кўчирмаси
1.6.	Хорижий валютада олинган кредитларнинг қайтарилишига	6810	5210-5220	Тўлов топшириқномаси, мемориал-ордер,банк кўчирмаси
1.7.	Хорижий валютада олинган қарзларнинг қайтарилишига	6820	5210-5220	Тўлов топшириқномаси, тўлов талабномаси, инкассо топшириқномаси,банк кўчирмаси
1.8.	Ҳисобланган дивидендларнинг хорижий валютада тўланишига	6610	5210-5220	Тўлов топшириқномаси, тўлов талабномаси, инкассо топшириқномаси,банк кўчирмаси
1.9.	Бошқа депозит счётларга валюта маблағларининг ўтказилишига	5510- 5530	5210-5220	Тўлов топшириқномаси, мемориал-ордер, банк кўчирмаси
1.10.	Хорижий валютада қисқа муддатли қайтариладиган молиявий ёрдам (кредит ёки қарз) суммасига	5820	5210-5220	Тўлов топшириқномаси, мемориал-ордер, банк кўчирмаси
1.11.	Банкдаги жамғарма депозит счётларга қўйилган хорижий валюта маблағларига	5830	5210-5220	Тўлов топшириқномаси, мемориал-ордер, банк кўчирмаси
1.12.	Хорижий валютада қилинган узоқ муддатли молиявий инвестицияларга	0610- 0690	5210-5220	Тўлов топшириқномаси, банк кўчирмаси
1.13.	Банк хизматлари учун тўловнинг ундириб қолинишига	9430	5210-5220	Мемориал-ордер,банк кўчирмаси

8.5.Банкдаги бошқа счётлардаги пул маблағлари
ҳисоби


Аккредитив счётлардаги пул маблағлари ҳисоби


Аккредитив – бу маблағ тўловчининг (харидорнинг) унга хизмат қилувчи банкка аккредитив аризасида кўрсатилган шартларда маблағ олувчи (таъминотчи)га унга учун хизмат қилувчи банкда алоҳида депозит счётни (аккредитив счётни) очиш ҳамда бу счётга маълум миқдордаги суммани ўтказиб бериш бўйича топшириғи.
Аккредитивлар бўйича ҳисоб-китоблар ҳисоби 5510 «Аккредитивлар» счётида юритилади. Бунда қуйидаги бухгалтерия ёзувлари қилинади:

• 
  Аккредитив счётларнинг очилишига (манбалари бўйича):
  

Дебет 5510 «Аккредитивлар»
Кредит 5110»Ҳисоб-китоб счёти», 5210 «Мамлакат ичидаги валюта счётлари», 5220 «Чет эллардаги валюта счётлари», 6810 «Қисқа муддатли банк кредитлари».

• 
  Аккредитив счётлардаги маблағларнинг ишлатилишига:
  

Дебет 6010 «Таъминотчи ва пудратчилар билан ҳисоб-китоблар»
Кредит 5510 «Аккредитивлар»

• 
  Аккредитив счётларнинг ёпилишига (манбалари бўйича):
  

Дебет 5110»Ҳисоб-китоб счёти», 5210 «Мамлакат ичидаги валюта счётлари», 5220 «Чет эллардаги валюта счётлари», 6810 « Қисқа муддатли банк кредитлари» .
Кредит 5510 «Аккредитивлар».


БПК ва бошқа депозит счётлардаги пул маблағларининг ҳисоби


Банк пластик картаси (БПК) - бу банк томонидан эмиссия қилинган, персонализацияланган, тўлов воситаси сифатида ишлатиладиган ва ўз сақловчисига банк счётидаги маблағлари доирасида операцияларни, жумладан, ҳисобварақ орқали нақд пулсиз ҳисоб-китобларни (тўловларни) амалга ошириш, ундан нақд пул маблағларини ва банк кредитини олиш имконини берувчи банк пластик картаси.
БПКлардан жисмоний ва юридик шахслар томонидан амалга ошириладиган нақд пулсиз ҳисоб-китобларда, шунингдек нақд пул берадиган шохобчалар ва банкоматлардан нақд пул маблағларини олишда фойдаланилади.
Халқаро БПКлар ваколатли банклар томонидан муомалага чиқарилади ва уларга хизмат кўрсатилади.
БПКларга хизмат кўрсатиш бўйича тузиладиган шартнома қуйидаги маълумотларни ўз ичига олиши шарт: тарафларнинг номи; шартнома предмети; тарафларнинг ҳуқуқлари ва мажбуриятлари; тарафларнинг жавобгарлиги; ҳисоб-китобларни амалга ошириш шартлари; шартноманинг амал қилиш муддати ва уни бекор қилиш шартлари; низоларни ҳал қилиш тартиби; тарафларнинг юридик манзили.
БПКлар персонализация қилинган тақдирда, унда қуйидаги реквизитлар кўрсатилиши шарт: идентификацияловчи маълумотлар (БПКнинг серияси ва тартиб рақами); банк-эмитентнинг уникал коди (хос рақами); ҳисобварақнинг тартиб рақами ва БПК сақловчисининг фамилияси, исми, отасининг исми (ташкилотнинг номи); БПКнинг амал қилиш муддати. БПКга операцияларни амалга ошириш ва улар ҳисобини олиб бориш учун бошқа қўшимча маълумотлар ҳам киритилиши мумкин.
БПКлардан фойдаланган ҳолда амалга оширилган ҳисоб-китоблар қоғозда (слип, электрон терминал квитанцияси) ёки электрон шаклда (банкомат ёки терминалнинг электрон ҳужжати) ёки бошқа маълумотномалар билан тасдиқланади. Бунда мазкур маълумотномалар ҳисоб-китобларни амалга оширишда иштирок этувчи томонларга етарли нусхаларда шакллантирилади. Маълумотномалар БПК орқали амалга оширилган операциялар тўғрисидаги барча маълумотларни ўз ичига олиши керак.
БПКлари бўйича ҳисоб-китоблар ҳисоби 5530 «Банк пластик картаси» счётида юритилади. Ушбу счётнинг дебетида маблағларнинг БПКларга ўтказилган суммаси, кредитида эса унинг ишлатилганлиги акс эттирилади.
5530 «Банк пластик картаси» счётида қуйидаги бухгалтерия ёзувлари қилинади:

•