Ўзбекистон республикаси олий ва ўрта махсус таълим вазирлиги тошкент кимё-технология институти

4. Техника керамикаси маҳсулотларининг ишлатилиши.
Юқорида келтирилган 6-жадвалда техника керамикасини қўлланувчи
асосий областлар келтирилган. Алюминий оксидли керамика оловбар-дош материали, вакуумли техника детали, кимёвий турғун ва электро-изоляция маҳсулоти сифатида ишлатилади. Цирконий оксидли керамика-дан оловбардош материал ва конструкцион керамика буюми сифатида фойдаланилади. Бериллий, торий ва уран оксидли керамика ядро энергетикасининг асосини ташкил этади. Карбид, нитрид, борид ва силицидлар асосида эса электрқиздиргичлар ясалади ва конструкцион деталлар олинади.
Техника керамикаси маҳсулотлари инструментал материаллар сифати-да ҳам кенг қўлланилади. Синтетик олмос порошоги ва бор нитридининг зич модификацияларини юқори босим остида куйдириш йўли билан юқо-ри қаттиқликка эга бўлган поликристалл материаллари олинади. Бундай материаллар кесувчи инструмент сифатида ишлатилади. Si-Al-O-N систе-масидаги массаларни Al, Mg, Be, Y, Ti, Zr элементлари билан модифицировкалаш орқали эса юқоридагилардан ҳам афзалроқ кесиш учун хизмат килувчи инструментлар ясалмоқда ва ишлатилмоқда.
6-жадвал
Куйдирилган BeO оксидидан турли усулларда тайёрланган буюмларнинг хоссалари

Шакллаш усули	Куйдириш ВеО зичлиги
	г/см^3	%
Сувли шликердан куйиш	2,7-2,85	90
Чузиш	2,85-2,9	95
Куруқ усулда пресслаш	2,9-2,95	97
Босим остида куйиш	2,9-2,95	97-98
Иссиқ усулда пресслаш	3-3,01	99

7-жадвал
Синтетик муллитнинг пишиш ҳароратига баъзи қўшимчаларнинг таъсири

Қўшимча	Оғирлик бўйича қў-шимча миқдори,%	Пишиш харорати, ^оС	Пишиш оралиги, град.	Пишиш хароратини пасайиши, град.
Қўшимчасиз	-	1590	100-150	-
MgO	1 2	1510 1450	110 70	80 140
CaO	1 2	1520 1470	110 70	70 120
MgO+CaO	2	1410	70	180
MnO	1 2	1520 1470	110 100	70 120

Техника керамикаси маҳсулотларини техникада қўллаш Япония, АҚШ, Германия, Франция, Жанубий Корея каби давлатларда жадал суръатларда амалга оширилмоқда. Жумладан 2010 йилга келиб Японияда иссиқлик двигателларининг 40% керамикага алмаштирилади. АҚШ да бу рақам 25% ни, Германияда 10% ни ташкил этади. Умуман олганда АҚШ да конструкцион керамика маҳсулотларининг 35-38% ни, Японияда эса электроника учун мўлжалланган керамиканинг 48% тини дунё бозорига етказиб бериш мўлжалланган. Юқорида номи кўрсатилган мамлакатларда янги керамика маҳсулотларининг йиллик хажмий ўсиши 14-27% ни ташкил қилиши режалаштирилган. Яна бу мамлакатларда техника керамикаси маҳсулотларининг янги функционал вазифалари ҳам аниқланмоқда.