Бўғин ва бўғин кўчириш. Сўзнинг бўғинга бўлиниши. Бўғин таркиби. Сўзнинг бир йўлдан кейинги йўлга бўғинлаб кўчирилиши. Бўғин ҳосил қилган бир унли ҳарфни олдинги йўлда қолдириб ёки кейинги йўлга кўчириб бўлмаслиги. Бир бўғинли сўзлар, икки бўғинли сўзларни кўчириш учун бўлинмаслиги. Тутуқ белгиси бор сўзларни бўғин кўчириш учун бўлиниши, тутуқ белгисининг олдинги бўғинда қолдирилиши. Ҳарф бирикмали сўзларнинг бўғин кўчирилиши, ёнма-ён келган бир хил ундошли сўзларнинг бўғинлаб кўчирилиши, жарангли ва жарангсиз ундош товушлар, уларнинг имлоси, бундай сўзларнинг ёзилишини сўз охирига унли товуш қўшиб айтиб текшириш, айтилишда тушиб қоладиган ундошлар, уларнинг имлоси.
Шакллантириладиган таянч комптенциялар:
Ахборотлар билан ишлаш компетенцияси: кўрган лавҳаларидан маълумотлар йиғиш.
Шахс сифатида ўз-ўзини ривожлантириш компетенцияси: мустақил ўқиб-ўрганиш.
Ижтимоий фаол фуқаролик компетенцияси: муомала маданиятга эга бўлиш.
3.Сўз ( 52 соат)
Сўзларнинг маъно билдириши, кишилар ва нарсалар номини билдирган сўзлар ва уларнинг сўроқлари (ким, нима, кимлар, нималар), кишиларнинг исми – фамилияси, ҳайвонларга берилган номлар, шаҳар, қишлоқ, кўча ва дарёга қўйилган номларнинг бош ҳарф билан ёзилиши. Нарса ва шахсларнинг ҳаракатини билдирган сўзлар ва уларнинг сўроғи (нима қилди, нима қиляпти, нима қилади). Шахс ва нарсаларнинг белгиларини (ранги, мазаси, шакли, хил-хусусиятини) билдирган сўзлар, уларнинг сўроғи (қандай, қанақа). Шахс ва нарсаларнинг саноғини, тартибини билдирган сўзлар ва уларнинг сўроқлари. Луғавий машқлар: зид маъноли сўзлар: (rohat-azob, oq-qora uyg`otmoq-uxlatmoq, boshlamoq-tamomlamoq, katta-kichik (kichkina), baland-past) ва маънодош сўзлар: (orzu, istak, havas, tilak; sevinmoq shodlanmoq; aybsiz, gunohsiz, begunoh каби) .
Шакллантириладиган таянч комптенциялар:
Шахс сифатида ўз-ўзини ривожлантириш компетенцияси: мустақил ўқиб-ўрганиш.
Do'stlaringiz bilan baham: |
