Ўзбекистон республикаси олий ва ўрта махсус таoлим вазирлиги фарьона политехника институти «тадбиқий механика» кафедраси

5.4. Парчин мих учун ишлатиладиган материал ва рухсат этилган кучланишлар

Парчин михлар пўлат, мис, латун (жез), алюминий ва шунга ўхшаш пластик материаллардан таейрланади. Материалларнинг пластик бўлиши уни парчинлашни осонлаштиради ҳамда кучнинг бир текис тарқалишига шароит яратади.
Парчин мих учун материалл танлашда бириктирилиши лозим бўлган қисмларнинг
температура таoсирида қандай ўзгаришини билиш зарур. Температура таoсирида ўзгариш даражаси парчин мих материалли учун ҳам, бириктирилиши лозим бўлган қисмлар учун ҳам мумкин қадар бир хил бўлиши керак. Акс холда температура ўзгариши билан чокда қўшимча кучланишлар пайдо бўлади.
Парчин михлар учун рухсат этилган кучланишнинг қиймати, асосан, материалга ҳамда парчин мих учун мўлжалланган тешикларнинг тайёрланиш усулига боьлиқ.
Агар куч чокка ўзгарувчан таoсир этса, тавсия этилган кучланишларнинг қиймати 10-20% камайтирилиши лозим. Пластмассадан ишлаган парчин михли бирикмалардан ҳам фойдаланилади. Аммо пластмасса деталлар парчинлаш йўли билан эмас, балки бошқа усулда, масалан, елимлаш усулида бириктирилган маoқул.

5.5. Пайванд бирикмалар ва уларни мустаҳкамлигини ҳисоблаш.

Пайванд бирикмалар ажралмас бирикмаларнинг асосий тури бўлиб, улардан машинасозликда ва қурилишларда кенг қўламда фойдаланилади, чунки пайванд бирикмаларида ажиралмас бошқа бирикмалардагига қараганда бирмунча афзаликлар бор; чунончи, пайванд бирикма кам мехнат талаб қилиши билан бирга, метални тежашга имконят яратади; маoлумки, парчин михли бирикмалар тайёрлашда парчин мих учун тешик очилиши керак, пайванд бирикмада эса тешикка эхтиёж бўлмайди. Бундан ташқари, мураккаб шаклли йирик чўян қуймалар ўрнига пайванд бирикма воситасида тайёрланган енгил пўлат деталлар ишлатиш материални 30-40% тежашга имкон беради. Деталлар оз ишлаб чиқариладиган холларда пайванд бирикмалар айниқса қўл келади, чунки бундай деталлар қўйиш йўли билан тайёрланадиган бўлса, қолиб тайёрлашнинг ўзигаёқ бир талай маблаь сарф бўлади ва кўп вақт кетади.
Пайванд бирикмалардан турли соъаларда фойдаланилади. Масалан, пайвандлаш йўли билан баланд ерларга ва сув остига ўрнатиладиган металл қисмлар бириктирилади, катта босим остида ишлайдаган труба ва идишлар тайёрланади, пайванд бирикмалардан газ ва нефтp магистраллари ўтказиш, кема корпуслари ясаш ва шу кабиларда фойдаланилади.
Пайванд бирикмаларининг камчиликлари материаллнинг термик деформацияланиши ва ҳаммаси материалларни ҳам пайвандлаб бўлавермаслигидир.
Пайвандлаш усулларининг тури кўп, улардан энг кўп қўлланиладиган "электр энергиясидан" ва "газ алангасидан" фойдаланиб пайвандлаш усулидир.
Саноат ва курилишда, асосан, электр энергияси ёрдамида пайвандлаш усулидан фойдаланилади, чунки бу усул бошқа усулларга қараганда қулай ва тежамли бўлиб, пайвандлаш ишларини кенг қўламда автоматлаштириш мумкин.
Муаян бир жойда бажариладиган ишларда (саноат корхоналарда) бутунлай автомат-лаштирилган пайвандлаш усулидан фойдаланиш юқори сифатли чок ҳосил қилишга ва иш унумини 20 баробар оширишга имком беради.
Электр энергиясидан фойдаланиб пайвандлаш икки турга: электр ёйи ёрдамида ва контлакталаб пайвандлаш турларига бўлинади.
1. Электр ёйи ёрдамида пайвандлаш. Бу усулда уланадиган жой электр ёйи воситасида қиздирилади ва ўнга пайвандлаш метали суюқлантириб туширилади. Пайвандлаш метали сифатида сиртига бўр билан суюқ шиша аралашмаси қопланган метал стержен-электроддан фойдаланилади. Бунда электрод ток манбаининг бир кутибига, пайвандланадаган металл эса иккинчи қутбига уланади.
2. Контаклаб пайвандлаш. Бу усул уланадиган деталлардан кучи бир неча минг ампер бўлган электр токи ўтказилади уларнинг бир-бирига тегиб турган (Контактда бўлган) жойида қаршилик юқори бўлганлигидан кўп миқдорда иссиқлик ҳосил бўлишига асосланган.
Бунда ҳосил бўлган иссиқлик деталларининг уланадиган жойларини жуда пластик холатга келтиради ёки суюқлантиради. Бунда деталлар бир-бирига маoлум куч билан сиқилса, пайванд чоки ҳосил бўлади.
Пайвандлаш воситасида деталларни учма-уч, устма-уст ва бурчак остида улаш мумкин. Пайванд чоклар, шаклига қараб, учма-уч ва бурчакли чокларга бўлинади.
Турли шаклдаги деталларни бир-бирига улашда юқорида айтилган чокларнинг бир турида ёки детал учларининг жойлашувига қараб, бир йўла иккала туридан фойдаланиш мумкин.
Бир текисликда жойлашган деталларни улаш учун, кўпинча, учма-уч чокдан фойдаланилади.