Iqtisodiy islohotning hozirgi bosqichida buxgalteriya hisobi tizimining holatini baholash muammolari

---

Journal of Advanced Research and Stability 
ISSN: 2181-2608 

www.sciencebox.uz/ 
147
“Aniq va tabiiy fanlar ta’limida raqamli texnologiyalarni qo‘llash”
 
Special Issue | 2022

 
IQTISODIY ISLOHOTNING HOZIRGI BOSQICHIDA BUXGALTERIYA HISOBI 
TIZIMINING HOLATINI BAHOLASH MUAMMOLARI 
Ibragimova Zarema Zokirovna 
Fargʻona politexnika instituti, assistent 
Annotatsiya: Maqola iqtisodiy islohotlarning hozirgi bosqichida moliyaviy hisobotlarning 
xalqaro standartlari boʻyicha buxgalteriya hisobini tashkil etish masalalariga bagʻishlangan 
boʻlib, duniyo amaliyoti yutuqlari, milliy buxgalteriya hisobini tizimiga joriy etishning asosiy 
yoʻnalishlari oʻrganildi. Milliy buxgalteriya hisobi va xalqaro moliyaviy hisobot 
standartlarining asosiy tamoyillarini tahlil etish natijasida asosiy nomuvofiqliklar aniqlandi. 
Milliy hisob tizimining jahon hamjamiyatiga integratsiyalashuvidagi asosiy yutuqlar bayon 
etildi. MHXS asosida buxgalteriya hisobini isloh qilishning ustuvor yoʻnalishlari boʻyicha 
takliflar berildi. 
Kalit soʻzlar: moliyaviy hisobotlarning xalqaro standartlari, hisobot, standartlari, moliyaviy 
hisobot, tartibga solish, davlat dasturi, buxgalteriya siyosati. 
Kirish. Hozirgi vaqtda buxgalteriya hisobini davlat tomonidan tartibga solishning tobora 
qisqarishi sharoitida, uning oʻz-oʻzini tartibga solishning ahamiyati ortib bormoqda, bu esa 
professional oʻz ishiga ijodiy yondasha oladigan, tashabbuskor, kadirlarni shakilantirish hamda 
rivojlantirish yoʻllarini topish va oʻzini takomillashtirish usullarini aniqlashni dolzarb msala 
sifatida kun tartibig olib chiqmoqda. 
Hisobning paydo boʻlishi bevosita kishilik jamiyatining vujudga kelishi bilan bogʻliq. 
Buxgalteriya hisobining qachon paydo boʻlganligiga kelsak aniq vaqtni aytish qiyin.[7] 
Buxgalteriya asta-sekin, uzoq vaqt mobaynida jamiyat rivojlanishi bilan paydo boʻla boshladi. 
Tarixiy ma‟lumotlarga koʻra, ibtidoiy jamoa tuzumi davrida hisobdan foydalanishgan.[8] Qabila 
boshligʻi oʻz qabilasini saqlab qolish uchun qaysi fasl qachon keladi, qabilasida qancha odam 
bor, ular uchun qancha oziq-ovqat toʻplash kerak kabi hisob-kitoblami amalga oshirgan. [9] 
Hozirda ham jamiyatning bir boʻlagi hisoblangan har bir oilaning oʻz hisob-kitobi bor. Qaysi 
oilada hisob-kitob yaxshi yoʻlga qoʻyilgan boʻlsa, oʻsha oilaning turmush sharoiti yaxshi. 
Bundan koʻrinib turibdiki, hisob insonlarning hayotiy hamkoridir.