Kurs jumíSÍ Qabıllaǵan: N. Djumabaev Orınlaǵan: E. Joldasbayeva Nókis 2021 Reje Kirisiw

ÓZBEKSTAN RESPUBLIKASÍ JOQARÍ HÁM ORTA ARNAWLÍ BILIMLENDIRIW MINISTRLIGI

ÁJINIYAZ ATÍNDAǴÍ NÓKIS MÁMLEKETLIK

PEDAGOGIKALÍQ INSTITUTÍ

Fizika-matematika fakulteti

Matematika oqıtıw metodikası kafedrası

“Matematika oqıtıw metodikası” tálim baǵdarınıń 4 ^B kurs talabası
Joldasbayeva Elzanıń
Matematikalıq mısal hám máseleler sheshiw metodikası páninen
“Tálim procesine texnologiyalıq jantasıw principleri, túrleri hám islep shıǵıw basqıshları” atamasındaǵı


KURS JUMÍSÍ
Qabıllaǵan: N.Djumabaev
Orınlaǵan: E. Joldasbayeva

Nókis 2021

Reje
Kirisiw……………………………………………………………………………3
§1. Texnologiyalıq jantasıw tiykarında oqıw procesin joybarlastırıw basqıshları………………………………………………………………………..5
§2. Pedagogikalıq texnologiya principleri………………………………………7
§3. Oqıtıwshı hám oqıwshılar arasındaǵı múnásebet túrleri…………………13
§4. Tálimdi shólkemlestiriwge qarata innovacion jantasıwlar mazmunı……16
Juwmaqlaw……………………………………………………………………..20
Paydalanǵan ádebiyatlar………………………………………………………21

2
Kirisiw

Ǵárezsiz Ózbekstan Respublikasında qáliplesip atırǵan milliy ǵárezsizlik ideyası Respublika Konstituciyasında ilgeri súrilgen insanpárwar, demokratiyalıq, huqıqıy mámleket hám jámiyetti qurıw, sonday-aq, social-ekonomikalıq hám de mádeniy rawajlanıwdıń joqarı basqıshlarına kóteriw, jáhán jámiyetshiligi qatarınan múnásip orın iyelewge baǵdarlandırılǵan iygilikli maqsetlerdi ámelge asırıwǵa xizmet qıladı.
Tálim nátiyjeliligin asırıw, mámleket tálim standartlarınıń orınlanıwın támiyinlew, tálimniń sıpat kórsetkishin támiyinlewde zamanagóy pedagogikalıq texnologiya tiykarǵı faktorlardan bolıp barmaqta.
Pedagogikalıq texnologiyanı oqıw procesinde qollaw jáhán ámeliyatında keń tarqalmaqta. Sonday eken, oqıw procesin demokratlastırıw, kelisiwsheńlik tiykarında shólkemlestiriwde birge islesiw rawajlanbaqta. Bular oqıwshınıń oqıw miynetin ámelge asırıwında háreketlendiriwshi kúsh bolıp xizmet qıladı. Oqıwshı hám oqıtıwshını turaqlı izleniwge, úzliksiz óz ústinde islewge iytermeleydi. Bul óz náwbetinde, tálimde nátiyjelilikti támiyinleydi.
Bul maqsetlerdiń unamlı nátiyjege iye bolıwı eń dáslep jas áwladqa ilimiy bilimler tiykarın puxta úyretiw, olarda keń dúnyaǵa kóz-qaras hám de oy-órisin payda etiw, mánáwiy, ádep-ikramlılıq qásiyetlerin qáliplestiriw barısındaǵı tálim-tárbiyalıq islerdi nátiyjeli shólkemlestiriwge baylanıslı. Solay eken, mámlekettiń jarqın keleshegin jaratıw, onıń atın jáhánge keń en jaydırıw, ullı ata-babalarımız tárepinen jaratılǵan milliy mádeniy miyrastı jámiyetke usınıw, olardı bayıtıw, ǵárezsiz Ózbekstan Respublikasınıń rawajlanǵan mámleketler qatarınan orın iyelewin támiyinlew jas áwladtı kámil insan hám tájiriybeli qániyge qılıp tárbiyalawǵa baylanıslı.
Bul kurs jumısı tálim procesine texnologiyalıq jantasıw principleriniń túrleri hám islep shıǵıw basqıshları máselesine arnaladı.
Kurs jumısı Kirisiw bóliminen, 4 paragraftan, juwmaqlawdan hám paydalanǵan ádebiyatlar diziminen ibarat.
3
Birinshi paragrafta texnologiyalıq jantasıw tiykarında oqıw procesin joybarlastırıw basqıshları haqqında sóz etiledi.
Ekinshi paragrafta pedagogikalıq texnologiya principleri, úshinshi paragrafta oqıtıwshı hám oqıwshılar arasındaǵı múnásebet túrleri haqqında aytıladı.
Tórtinshi paragrafta tálimdi shólkemlestiriwge qarata innovacion jantasıwlar mazmunı, tálim procesleri mazmunın analizlew ushın qollanılatuǵın dástúriy kategoriyalar hám olardıń wazıypaları haqqında maǵlıwmat beriledi.

4