& Tildin` ja`miyetlik xιzmeti

Ra`wishlerdin` ma`nisine qaray tu`rleri.
Ra`wish is-ha`reket ha`m belgini sιpatlaw ma`nilerine qaray waqιt ra`wishi, orιn ra`wishi, sιn ra`wishi, mug`dar-da`reje ra`wishi, sebep ra`wishi, maxset ra`wishi sιyaqlι altι tu`rge bo`linedi.
Waqιt ra`wishi.
Waqιt ra`wishi is-ha`rekettin` isleniw waqtιn bildiredi.
Waqιt ra`wishleri qashan? qshannan beri? Degen sorawlarg`a juwap beredi. Mιs: Azanda jumιsqa ketti. Bu`gin sabaqqa jaqsι tayarlandιm. Ol son` keldi. Ha`zirshe usι jerde turamιz. Tu`nde qar jawdι. Bιyιl jazda qattι ιssι boldι.
Waqιt ra`wishtin` ma`nisin to`mendegi so`ler bildiredi:
Bu`gin, bιyιl, ha`zir, jan`a, Keshe, erten`, ku`ndiz, tu`nde, qιsta, jazda, ba`ha`rde, mudamι, barqulla, bayag`ιda, birdeyine, keshqurιn, ilgeride, jaqιnarada, a`wele, en` a`wele, burιn, keyin, son`, bιltιr, ertede, erten`ine, kelesi ku`ni, udayι, ku`nde, anda-sanda, ara-tura, tez ku`nde, qιsι jazι, jaz boyι, t.b.
Orιn ra`wishi.
Orιn ra`wishi is-ha`rekettin` isleniw ornιn bildiredi.
Orιn ra`wishleri qayda? qayerde? Qayerden? Qayerge? T.b. sorawlarg`a juwap beredi. Mιs: Awιl artta qaldι. Alιsta jιltιrap ot ko`rindi. Mashina alg`a zιmιrap baratιr. Bizler sol jerde dem alamιz. Tum-tιstan basqada adamlar kele basladι.
Orιn ra`wishi ma`nisindegi so`zler: to`mende, joqarιda, sonda artta, aldιda, keyinde, izde, usι jerde, usιnda, u`stinde, ha`r jerde, uzaqta, to`men, joqarι, aldιna, artιna, hesh jerde, hesh jaqta, bir jaqqa, tum-tustan, tum-tusqa, jan-jaqtan, a`ri-beri, armanda, t.b.