& Tildin` ja`miyetlik xιzmeti

Qospa ra`wishler ha`m olardιn` imlasι.
Eki yamasa bir neshe so`zlerdin` birigiw, qosιlιw ha`m juplasιwιnan jasalg`an ra`wishlerge qospa ra`wish delinedi.
Qospa ra`wishler: bu`gin, bιyιl, biraz, juwg`arada, tez arada, ku`ni keshe, ku`ni erten`, qula du`zde, tan`ala gewgimde, ku`n ara, tan` ata, ku`n bata, a`ri-beri, u`sti-u`stine, erisili-qarιsιlι, ku`ni-tu`ni, erteli-kesh, az-azdan, tez-tezden, qolma-qol, t.b.
&Qospa ra`wishler to`mendegishe jazιladι:
1. ma`nisi ha`m aytιlιsι jag`ιnan birigip jazιladι. Mιs: bu`gin (bul ku`n), bιyιl (bul jιl), bilqastan (bil qastan emes), t.b.
2. ma`nisi ha`m aytιlιsι jag`ιnan ele birigip ketpegen qospa ra`wishler bo`lek jazιladι. Mιs: ku`ni keshe, tan` azanda, ku`n uzaqq, tan` eten`, ha`r ku`ni, ha`r waqιtta, bir ma`ha`lde, bir ku`ni, sol zamatta, o`z ara, t.b.
3. eki so`zdin` juplasιwιnan jasalg`an qospa ra`wishler defis arqalι jazιladι. Mιs: ku`ni-tu`ni, kem-kemnen, anda-sanda, ku`nnen-ku`nge, azanlι-kesh, ko`zbe-ko`z, az-azdan, arman-berman, ko`plep-ko`meklep, qattι-qattι, a`ste-a`ste, bara-bara, so`yley-so`yley
Ra`wishtin` da`rejeleri ha`m olardιn` imlasι.
Ra`wishler da`reje ko`rsetkishlerine iye boladι. mιs: burιn-burιn-ιraq keyin-keyin-irek, erte-erte-lew, az-az-law, ju`da` tez, dιm a`ste, og`ιrι joqarι, dιm uzaq, ap-alιs, jap-jaqιn, t.b.
Ra`wishtin` da`rejeleri is-ha`rekettin` belgisin basqa bir is-ha`reket belgisi menen salιstιrιp, onιn` isleniwinin` artιq ya kemligin ko`rsetedi. Ra`wishtin` da`rejeleri salιstιrιw da`reje ha`m artιrιw da`reje bolιp ekige bo`linedi.