1. Агроконсалтинг фанининг предмети, мақсади ва вазифалари

25.Ахборот-маслаҳат маркази хизматига бўлган талаб ва таклиф, хизматлар кўламини кенгайтириш ва марказлар даромадини ошириш йўллари.
Ахборот-консалтинг хизмати кўрсатувчи корхоналарни ташкил этишда ушбу ҳудуддаги шаклланган эҳтиёж ҳажмини аниқлаш, хизмат турлари бўйича мавжуд талаб ва таклифни ҳисобга олиш катта аҳамиятга эга.
Шу боис:
- биринчидан, қишлоқ ҳудудларида ахборот-консалтинг марказларининг бир маромда фаолият юритишини таъминлаш учун юқорида қайд этилган омилни инобатга олиш;
- иккинчидан, марказлар кўрсатиши мумкин бўлган хизмат турлари, йўналиши, кўлами ва ҳажмининг ҳудуддаги фермер ва қишлоқ тадбиркорлари талабига мос келишини таъминлаш;
- учинчидан, хизматлар учун ўрнатилган баҳо реал, объективва рағбатлантирувчи бўлиши лозим.
Ахборот-консалтинг хизматларига бўлган талабни аниқлашда эътиборга олиниши керак.
Бунда асосий эътибор қуйидагиларга қаратилиши лозим:
• аниқ бир турдаги хизматларга бўлган талабни ҳисобга олган ҳолда хизмат турларини белгилаб олиш ва уларни ривожлантиришга устуворлик бериш;
• фермер ва қишлоқ тадбиркорларининг хоҳиш ва истаклари- дан келиб чиққан ҳолда хизмат турини таклиф этишни режалаштириш ва хизмат кўрсатиш стратегиясини аниқлаш ва шу асосда хизматлар портфелини шакллантириш;
• хизматларга баҳо белгилашда талабнинг эгилувчанлиги (эластиклиги)ни ҳисобга олиш;
• истеъмолчиларнинг - фермер ва қишлоқ тадбиркорларининг талаби, бу талабнинг ўзгаришига таъсир этувчи омилларни аниқлаш ва унга таъсир этиш механизмларини ишлаб чиқиш.
Кишлоқ хўжалигида ахборот-консалтинг марказлари фаолиятининг барқарорлигига таъсир этувчи омилларни шартли равишда ички ва ташқи, объектив ва субъэктив омилларга
ажратиш мумкин:
- ички омилларга ишлаб чиқариш ва хизмат кўрсатиш хусусияти билан боғлиқ омиллар киради;
- ташки омилларга тўғридан-тўғри таъсир этувчи омиллар мансуб бўлиб, уларга ахборот-маслаҳат олиш-узатиш(етказиш) усули, шакли, бу борада жорий этилган тартиб-қоида, уларнинг даврийлиги ва муддатлари каби омиллар киради;
- объектив ва субъектив омилларга молиявий, пул, кредит, солиқ тизими қонунчилик базаси, ишлаб чиқариш(хизмат кўрсатиш)даги ўзгаришлар, ахборот-маслаҳат хизмати кўрсатишда меҳнат ва хизматларга ҳақ тўлаш тизими ҳамда уни ташкил қилиш шакллари, кадрлар малакаси, билими, маълумотлар базаси ва техник таъминоти, айланма капиталининг мавжудлиги
каби омиллар киради.