1. Metod haqqında túsinik. Balalar psixologiyası hám psixodiagnostikası pániniń tiykarģı hám járdemshi metodları

Testler házirgi waqɪtta keń qollanɪlatuģɪn tekseriw metodlarɪnan biri bolɪp tabɪladɪ. “Test” sózi ingliz tilinen alɪnģan bolɪp, “sɪnaw”, “tekseriw” degen mánini ańlatadɪ. Test metodɪn 1905-jɪlɪ francuz psixologi A.Bine hám onɪń shákirti A.Simonlar balalardɪń aqlɪy rawajlanɪw ózgesheliklerin úyreniw barɪsɪnda qollanɪp, bul metodtɪń psixologiya tarawɪnda qollanɪlɪwɪna tiykar saldɪ. Bul alɪmlardan basqa test metodɪnɪń keńnen qollanɪlɪwɪ hám onɪn basqa túrleriniń islep shɪģɪlɪwɪna shet el alɪmlarɪnan Rorshax, Rozensveyg, Kettel, Vartegg, Veksler, Meyli, Ayzenk, Agastazi, Raven h.t.b hám rus psixolog-alɪmlarɪnan K.M. Gurevich, V.A. Krutestkiylerdiń atlarɪn atap ótsek boladɪ.
Test metodɪ test-soraw, test-tapsɪrma, proektiv testler, intellektual testlar h.t.b. túrlerine bólinedi. Test metodɪ arqalɪ balalardɪń ulɪwma aqlɪy rawajlanɪw dárejeleri hám ayɪrɪm psixikalɪq processlerdiń (dɪqqat, qabɪl etiw, oylaw, qɪyal etiw, este saqlaw h.t.b.) qanshelli dárejede rawajlanģanlɪģɪ salɪstɪrɪladɪ. Test metodɪ járdemi menen balalardɪń ózleriniń jaslarɪna qaraģanda normal rawajlanɪp atɪrģanlɪģɪ yamasa arqada qalɪp baratɪrģanlɪģɪn anɪqlaw múmkin.
Test-soraw – eń kóp tarqalģan testler qatorɪnda jetiskenlikke erisiw háreketleri, intellektual testler, shaxs testleri (psixodiagnostika), shaxs «joybarlaw» (proyektiv) testleri kiradi. Testler járdeminde ayɪrɪm qábiliyetlerdiń, kónlikpelerdiń, bilim dárejelerin, logikalɪq oylaw uqɪplɪlɪqlarɪnɪń bar yamasa joqlɪģɪn anɪqlawģa qaratɪlģan boladɪ.
Test-tapsɪrma oqɪwshɪnɪń bilimin tekseriw hám bahalawda qollanɪlɪp, oqɪw materialɪnɪń tiykarģɪ bólimin anɪq hám tolɪq biliwin anɪqlawģa qaratɪlģan. Bunda soraw hám 3–4 juwap beriledi, sol juwaplardan durɪs bir variyantɪn tańlaw kerek boladɪ.
Proyektiv testlerda testtiń tiykarģɪ maqseti tekseriliwshilerge sɪr boladɪ. Bunday testlerdi qollanģanda kóbinese tayar súwretler yamasa súwretli kartochkalardan paydalanɪladɪ. Proektiv testler kóbinese kishi jastaģɪ balalar menen diagnostika jumɪslarɪn alɪp barɪwda qolaylɪlɪqlarga iye. Mɪsalɪ, K.Yerasektiń mektepke shekemgi jastaģɪ balalardɪń mektepke tayarlɪq dárejesin úyreniwge arnalģan testi, Rene Jil metodikasɪ, “Tórtinshisi artɪqsha”, “Jetispeytuģɪn predmet”, “Úy, terek, adam”, Dj. Raven metodikasɪ h.t.b.