1. Metod haqqında túsinik. Balalar psixologiyası hám psixodiagnostikası pániniń tiykarģı hám járdemshi metodları

Pánniń tiykarģɪ principleri
Hár bir ilimniń rawajlanɪwɪ onɪń tájriybe metodlarɪnɪń tolɪq islep shɪģɪlģanlɪģɪ, yaģnɪy tájriybe nátiyjelerin anɪqlastɪrɪwshɪ jollarɪ, usɪllarɪ hám qurallarɪnɪń isenimlilik dárejesine baylanɪslɪ boladɪ. Psixologiyalɪq tájriybelerdiń ulɪwma maqseti empirik (tábiyiy) tájriybe arqalɪ psixologiyalɪq ózgesheliklerdi úyrenip, teoriyalɪq analiz ushɪn anɪq maģlɪwmatlardɪ toplaw bolɪp esaplanadɪ. Sebebi tájriybe arqalɪ adamnɪń ishki psixologiyalɪq rawajlanɪw nɪzamlɪqlarɪn úyrenemiz.
Jetik insandı tárbiyalawda, balanı tuwılǵanınan baslap óspirimlik dáwirine shekemgi bolǵan dáwirdegi psixologiyalıq ózgesheliklerdi biliw tárbiyashılar, pedagog-psixologlar hám ata–analar ushın úlken áhmiyetke iye. Sonɪń ushɪn da balalar psixologiyasɪnɪń tiykarģɪ principlerine toqtalɪp ótemiz. Balalar psixikasın úyreniwde izertlewshi bir qatar principlerge, qaǵıydalarǵa súyeniwi, olarǵa boysınıwına tuwra keledi. Sebebi mektepke shekemgi jastaģɪ balalardɪń psixikalɪq rawajlanɪw dáwirinde balaģa kóbirek sɪrtqɪ ortalɪqtɪń tásiri kúshli boladɪ. Bul jasta balalarda eliklew arqalɪ rawajlanɪw processi júz bere baslaydɪ. Balaģa ózi jasap atɪrģan ortalɪqtɪń tásiri menen, yaģnɪy ata-analarɪnɪń, tárbiyashɪlrɪnɪń, dógeregindegi adamlardɪń qarɪm-qatnasɪ onɪń psixologiyalɪq rawajlanɪwɪna úlken tásiri boladɪ. Balaģa bolģan qatnasta qopallɪq yamasa qatal usɪlda qatnas bolsa, bul álbette balanɪń ruwhɪyatɪnda óz kórinisin tabadɪ. Sonɪń ushɪn da balalar psixologiyasɪnɪń tiykarģɪ principleriniń biri – bul balaģa zɪyan jetkermeytuģɪn insanɪylɪq hám pedagogikalɪq optimizm principi bolɪp tabɪladɪ. Psixolog ayrɪqsha juwapkershilikti moyɪnlap, balanɪń is-háreketleriniń tiykarģɪ sebeplerin túsiniwi, ańlap jetiwi, balaģa milayɪmlɪlɪq penen qarɪm-qatnas jasap, onɪń psixologiyalɪq rawajlanɪw ózgesheligin hám rawajlanɪw nɪzamlɪqlarɪn anɪqlastɪrɪwɪ kerek.
Nátiyjelik hám ilimiylik principi arqalɪ balanɪ tek ģana balalar psixologiyasɪnɪń rawajlanɪw nɪzamlɪqlarɪ tiykarɪnda úyreniw kerek boladɪ, al basqa pánniń ilimiy izertlew metodlarɪnan emes. Sebebi endi rawajlanɪp kiyatɪrģan balalar psixologiyasɪ úlken adamlardɪń psixologiyasɪnan úlken ayɪrmashɪlɪqqa iye. Sonɪn ushɪn da psixolog balalardɪń jas dáwirlerindegi psixologiyalɪq rawajlanɪw ózgeshelikleri hám nɪzamlɪqlarɪn jaqsɪ biliwi kerek boladɪ.