4-ma’ruza X. K. Qarshiboyeva tipi sbot btpii

Boshlang’ich ta’lim samaradorligini integratsion baholashning maqsadi mazkur ta’lim turining sifat jihatidan rivojlanib borishini ta’minlashdir. Shu jihatlan boshlang’ich ta’lim samaradorligini integratsion baholash vazifalari quyidagilardan iborat:

• boshlang’ich ta’lim holatini o’rganish;
• boshlang’ich ta’limning sifat darajasini aniqlash;
• boshlang’ich ta’lim o’quv fanlarini optimallashtirib borish;
• boshlang’ich sinf o’qituvchilarining kompetentsiyasini oshirib borish;
• boshlang’ich ta’lim boshqaruvini demokratlashtirish.

Boshlang’ich ta’limning samaradorligini integratsiong baholashda quyidagilarning ishtiroki muhim ahamiyatga ega:

• milliy va xorijiy ekspertlarning xulosasi;
• tajribali va mohir mutaxassislarning fikri;
• ilmiy va o’quv markazlarining bahosi;
• boshlang’ich ta’lim bo’yicha ilmiy–pedagog mutaxassislarning yondashuvlari.

Mazkur ishtirokchilar har bir boshlang’ich ta’lim bosqichini xolis baholash jarayonida ishtirok etadi. Ularning xulosasiga asosan boshlang’ich ta’limning samaradorlik darajasi baholanadi va uni istiqbolli rivojlantirish asoslari ishlab chiqiladi.

Boshlang’ich ta’lim samaradorligini integratsion baholashda quyidagi indikatorlarga asoslanish maqsadga muvofiq bo’ladi:

• boshlang’ich ta’limga doir belgilangan davlat talablarining bajarilishi;
• boshlang’ich ta’lim davlat standarilarining samaradorligi;
• boshlang’ich ta’limni moliyalashtirish darajasi;
• boshlang’ich ta’limning oliy ma’lumotli pedagog kadrlar bilan ta’minlanish darajasi;
• boshlang’ich ta’limning o’quv rejalari, dasturlari va darsliklarining optimalligi;

• boshlang’ich ta’limda amal qilayotgan zamonaviy axborot-kommunikatsion va pedagogik texnologiyalarning samaradorligi;
• boshlang’ich sinf o’quvchilarining o’zlashtirish darajasi;
• boshlang’ich sinf o’quvchilarining keyingi ta’limga tayyorgarlik darajasi;
• boshlang’ich sinf o’quvchilarining ijtimoiylashuv darajasi;
• boshlang’ich ta’lim jarayonining izchil rivojlanib borish holati.