5-ma’ruza. Elektron jadval hujjatlarini yaratish va qayta ishlash uchun dasturiy vositalarni qoʻllash reja

Amal	Nomi, vazifasi
Amallarning bajarilish tartibi (prioriteti)
+	Qo‘shuv	3
-	Ayiruv	3
*	Ko‘paytiruv	2
/	Bo‘luv	2
^	Darajaga ko‘tarish	1
&	Konkatenatsiya amali belgisi	4
=	Mantiqiy solishtirish	5
>	Kattalikka mantiqiy solishtirish	5
<	Kichiklikka mantiqiy solishtirish	5

Formulalarning yozilishiga misollar keltiramiz:

Formula	Bajariladigan amal
= 122*0,003	122 sonini 0,003 soniga ko‘paytiradi.
=(A4+V7)*S2^2	A4 va V7 katakchalardagi sonlarning yig‘indisi S2 katakchadagi sonning kvadratiga ko‘paytiriladi.
=A1< B1	agar A1 katakchadagi son qiymat B1 katakchadagidan kichik bo‘lsa, bu mantiqiy formulaning qiymati ROST bo‘ladi. Aks holda YOLG’ON bo‘ladi
=SUM(F1:F15)	F1:F15 diapazonining qiymatlari yig‘indisini hisoblaydi.

Formulalarda arifmetik amallar quyidagi tartibda bajariladi: birinchi bo‘lib darajaga ko‘tarish amali, ikkinchi bo‘lib ko‘pay-tiruv va bo‘luv amallari, oxirida qo‘shuv va ayiruv amallari bajariladi. Amallarni prioriteti bo‘yicha bajarilish tartibini buzish uchun oddiy qavslardan foydalaniladi. Agar formulada oddiy qavslarga olingan ifoda bo‘lsa, u oldin bajariladi. Masalan, =(V3+S3)^2 formulada avval qavs ichidagi ifoda hisoblanib, keyin darajaga ko‘tarish amali bajariladi.

Formulani katakchaga kiritishda boshqa katakchaning adresi ishtirok etsa uni klaviaturadan qo‘lda terish yoki o‘sha katakcha adresini ko‘rsatish yo‘li bilan kiritish mumkin. Formula kiritish jarayonida katakcha adresini formulada ko‘rsatish uchun adresi ko‘rsatilishi lozim bo‘lgan katakcha ustida sichqon tugmachasi bir marta bosilsa shu katakchaning chegarasi harakatdagi ramka ko‘rinishiga keladi va formulada shu katakchaning adresi paydo bo‘ladi. Formulani muharrirlash to‘g‘ridan-to‘g‘ri katakchada bajarilishi yoki formulalar satrida amalga oshirilishi mumkin.