5 O’zbekiston respublikasi oily va o’rta ta’lim vazirligi

Onkologik xona vazifasiga quyidagilar kiradi: 
- 
Xavfli,  xavfsiz  o’smalar,  saraton  oldi  kasalliklari  va  saratonga  shubha 
qilingan  kasalliklari  bo’lgan  bemorlarni  konsul'tativ  qabulini  o’tkazish,  xavfli 
kasalliklari  bo’lgan  bemorlarni  sindromga  mos  davolash  yoki  uni  tashkil  qilish, 
shuningdek patronajga muhtoj bemorlarni uyda davolash; 
- 
Xavfli  o’smalari  va  saraton  oldi  kasalliklari  bo’lgan  bemorlar  ustidan 
dispanser  nazorati  olib  borish,  dispanser  ko’riklari  to’g’risidagi  kartalarga 
statsionar davolash va davo tadbirlari haqidagi ma'lumotlarni kiritish; 
- 
Xavfli  o’smalarga  shubha  qilingan  yoki  xavfli  o’sma  bilan  kasallangan 
bemorlarni  qo’shimcha  tekshirish,  ularni  onkologik  muassasalarga  joylashtirishni 
va davolashni tashkil etish; 
- 
Xavfli o’smalari bo’lgan bemorlarni davolanishdan bosh tortish sabablarini 
tahlili  qilish,  maxsus  yoki  simptomatik  davolash  uchun  ularni  gospitalizatsiya 
qilish bo’yicha shoshilinch choralar ko’rish; 
- 
Tibbiy-sanitariya  kengashida  muhokama  qilish  uchun  onkologik  xizmat 
masalalari bo’yicha materiallar tayyorlash. 
Onkologik  xona  faoliyati  miqyosida  xavfli  o’smalari  bo’lgan  hamma  bemorlarni 
hisobga  olish,  xavfli  o’smalar  bilan  kasallanish  va  o’limga  doir  ma'lumotlarni 
yig’ish va tahlil qilish alohida o’rin egallaydi. 
So’nggi  yillarda  har  bir  poliklinika  va  QVP  da  tashkil  qilinadigan  va  onkologik 
xonalar  bilan  uzviy  aloqada  ishlaydigan  ko’ruv  xonalari  xavfli  o’smalar  bilan 
kurashish  ishida  muhim  o’rin  egallaydi.  Ko’ruv  xonasi  bemorlarni  saraton  oldi 
kasalliklari va sohaga vizual kirishga imkon beradigan o’smalarni erta tashxislash 
maqsadida  profilaktik  ko’rikdan  o’tkazishni  amalga  oshiradi.  Patologiya 
aniqlanganda bemorlarni tashxisni aniqlashtirish va davolashni tashkil qilish uchun 
tegishli  mutaxassisga  yo’llanma  beradi.  Profilaktik  ko’riklarni  va  sitologik 
tekshiruvlar natijalarini hisobga oladi va qayd etadi. 
Kasallanish  va  o’lim  ko’rsatkichlari  xavfli  o’smalar  tarqalganligi  sabablari 
to’g’risida dalolat beradigan asosiy statistik ko’rsatkichlar hisoblanadi. Aholining 
turli guruhlarida xavfli o’smalar bilan kasallanishni o’rganish va ulardan o’limning 

---

 
9 
miqdoriy  ko’rsatkichlarini  tahlil  qilish  sog’liqni  saqlash  tizimining  boshqaruv 
organlariga saratonga qarshi kurash dasturini ishlab chiqish va takomillashtirishga 
imkon beradi. 
Asosiy  axborot  manbalariga  binoan  har  yili  birlamchi  hujjatlardan  "Xavfli  o’sma 
kasalliklari to’g’risidagi hisobot" (7-shakl) va "Xavfli o’smalari bo’lgan bemorlar 
to’g’risidagi  hisobot"  (35-shakl)  tuziladi.  7-shakl  bo’yicha  hisobotga  asoslanib 
kasallanish  strukturasi  aniqlanadi:  xavfli  o’sma  bilan  kasallanish  ko’rsatkichlari 
hisoblanadi,  onkologik  kasalliklar  tarqalganlik  xususiyatlari  va  har  bir  alohida 
lokazatsiyaning  salmog’i  foizlarda  aniqlanadi.  35-shakl  bo’yicha  hisobotga 
asoslanib,  hisobda  turgan  xavfli  o’smalari  bo’lgan  bemorlar  qatlamlari,  xavfli 
o’sma  kasalligidan  vafot  etganlar  to’g’risidagi  ma'lumotlar,  maxsus  davolashga 
muhtoj  xavfli  o’smalari  bo’lgan  bemorlarni  davolashga  doir  ma'lumotlar 
aniqlanadi. 
Xavfli o’smalar bilan kassallanish ko’rsatkichlari: 

  Intensiv  -  xavfli  o’sma  birinchi  marta  aniqlangan  bemorlar  (mutloq 
raqamlarda)  G`  hudud  aholisining  o’rtacha  yillik  soni  (1000,  10  000,  100 
000 aholiga hisoblanadi); 

  Standartlashtirilgan  -  kasallanishga  har  xil  yosh  strukturasi  ta'sirini 
tenglashtirish uchun hisoblanadi. 
Kasallanish  ko’rsatkichi  qandaydir  vaqt  mobaynida  yangi  kasallik  hollari  paydo 
bo’lish  sonini  (chastotasini)  ta'riflaydi.  Kasallanishning  kumulyativ  ko’rsatkichi 
muayyan  vaqt  oraliQi  ichida  mazkur  kasallik  bilan  kasallangan  shaxslar  toifasini 
ta'riflaydi. 
Xavfli o’smalardan o’lim ko’rsatkichlari: 

  Intensiv - xavfli o’smalardan o’lgan bemorlar (mutloq raqamlarda) G` hudud 
aholisining o’rtacha yillik soni (1000, 10 000, 100 000 aholiga hisoblanadi); 

  Standartlashtirilgan  - o’limga har xil yosh strukturasi ta'sirini tenglashtirish 
uchun hisoblanadi. 
Onkologik  kasalliklarning 
tarqalganlik 
xususiyatlari  ularning 
chastotasi, 
kasallanish (o’lim) strukturasiga tegishli ko’rsatkichlari ta'sirini qiyosiy o’rganish 

---

 
10 
yo’li  bilan  aniqlanadi.  Onkologik  kasalliklar  tarqalganligi  ko’rsatkich  sifatida 
muayyan  vaqt  mobaynida  aholining  qanday  qismi  mazkur  patologiya  bilan 
kasallanganligini baholashga imkon beradi.