6 – Leksiya. Karbonizaciya processinin’ teoriyaliq tiykarlari ha’m texnologiуаliq esaрlari

Kolonna gazlerin birinshi juwıw úskenesi (PGKL-1) (50-súwret) shóktiriwshi kolonnadan keyin gazdi – onıń quramındaǵı uglerod qos oksidin ajıratıp alıw maqsetinde, juwıw ushın xızmet etedi. Ol cilindr formasındaǵı ishi gewek kolonna kórnisinde bolıp, diametri 2800 mm bolǵan bir qatar shoyın bochkalardan turadı. Kolonnanıń oraylıq bólimi, kózgenekli reshetkalarda eki seksiyaǵa 7 hám 8 jaylasqan nasadkalar (150x150 mm keramikalıq qolcolar) menen toltırılǵan. Nasadkanıń ulıwma biyikligi 17 m.
Nasadka bólistiriwshi tarelka 6 járdeminde, 7 bapta kórsetilgendegi sıyaqlı suyıqlıq penen suwǵarıladı. Bólistiriwshi tarelkanıń ústinde úsh dana ishi bos separaciyalıq bochkalar 3 ornatılǵan, olar gaz benen alıp keliwshi suyıqlıq tamshıların uslap qalıw ushın xızmet etedi. Bul bochkalarda eki shtucer bar: KLAP úskenesinen shıqqan gazdiń kiriwi ushın – shtucer 2 hám PTKL-úskenesine gazdiń shıǵıwı ushın – shtucer 5. Juwıw úskenesiniń tómeninde úsh dana ishi bos bochkalar 10 ornatılǵan, olar PGKL-hám kolonna arasındaǵı suyıqlıq ushın aralıq ıdıs xızmetin atqaradı. Tómengi bochkalardaǵı suyıqlıq qáddin baqlap turıw ushın suw ólshewshi áynek (steklo) bar. Kolonnanıń barlıǵı bochka-bazanıń 11 ústinde turadı, ol jerde suyıqlıqtıń shıǵıwı ushın shtucer 1 bar. Bul seriyanıń barlıq shóktiriwshi kolonnalarınan shıqqan gaz tómengi kózgenekli reshetka astına shtucer 9 arqalı kelip túsedi.
Kolonna gazlerin birinshi juwıw úskenesinde PGKL-1 úskenesinen aldın yamasa keyin suyıqlıqtı suwıtıw ushın suwıtqısh 4 jaylasqan. Suwıtqısh tórt suwıtıw úlgi bochkalarınan turadı (46-súwretke qarań).
Gazlirt. KLPK úskenesinen shıqqan suyıqlıqtı, kolonnada usı suyıqlıq qáddiniń basımına sáykes keliwshi, biyiklikke kóteriw múmkin. Eger suyıqlıq PGKL-1 úskenesinen aldın suwıtılsa hám keyin suwıtqıshqa 4 berilse, onda bul basım jeterli bolmawı múmkin (50-súwretke qarań). Bul jaǵdayda gazlift qollanılıwı múmkin. Eger kóteriliwshi suyıqlıqtan gaz kóbiksheleri ótkizilse, onda alınǵan “emulciya” suyıqlıqtıń ózine qaraǵanda jeńil boladı. Suyıqlıq qanshelli kóp gazlendirilgen bolsa, kolonnadaǵı suyıqlıq qaddiniń basımı menen onı sonshelli úlken biyiklikke kóteriw múmkin. Gazlirttiń dúzilisi usı principke tiykarlanǵan (50 – súwret). KLPK úskenesinen shıqqan suyıqlıq oǵan tómengi tárepinen truba 4 boylap kiredi hám joqarısınan shıǵadı. Qısılǵan gaz truba 1 boylap gazlirt kojuxına 3 beriledi, ol jerden kóp sandaǵı sańlaqlar 2 arqalı trubaǵa 4 kelip túsedi, bul jerde suyıqlıq penen aralastırıladı hám “emulsiya” nı payda etedi. Qısılǵan gaz sıpatında hák tasın kúydiriw pechleriniń gazi qollanıladı. Demek, suyıqlıqtı kóteriw waqtında, onıń aldın – ala karbonizaciyası birgelikte ótedi.