6 – Leksiya. Karbonizaciya processinin’ teoriyaliq tiykarlari ha’m texnologiуаliq esaрlari

6. Karbonizaciya bóliminde miynetti qorǵaw hám qáwipsizlik texnikası
Karbonizaciya bólimine tán bolǵan sharayatlar karbonizaciya kolonnalarınıń basım astıńda islewi, bólimge, quramında zıyanlı aralaspa – uglerod oksidi bolǵan, hák taslı kúydiriw pechleri gaziniń beriliwi, onıń quramında , sıyaqlı zıyanlı aralaspalar bar, jumıs orınlarına (bólmelerine) niń hám ammiaktiń shıǵıp ketiwi bolıp esaplanadı. Sonlıqtan, kolonnalardan paydalanǵanda, basım astıńda islewshi úskeneler ushın qaǵıydalar hám kórsetpelerge tolıq boysınıw zárúr. Gazdi atmosferaǵa shıǵarıp jiberiw ushın arnalǵan klapanlardıń sazlıǵın sistemalı ráwishte (smena dawamında 1 márte) tekseriw kerek. Basım astıńda turǵan úskenelerdi hám kommunikaciyalardı ońlaw qadaǵan etiledi.
Xızmet kórsetiwshi isshilerdiń zıyanlı gazler menen záhárleniwiniń aldın alıw ushın ammoniylestirilgen sherebeniń aǵıp ketiwin hám gaz shıǵıp ketiwin óz waqtıńda saplastırıw, suyıqlıqlardı edenge tókpew, úskenelerdi texnologiyalıq rejim normalarında kózde tutılǵan qáddinen zıyat suyıqlıq penen toltırıw, hawadaǵı, ásirese mashina zalınıń jer tólesindegi uglerod oksidi muǵdarın sistemalı túrde tekserip turıw zárúr.
Apparatchiklerde ammiakten hám vodorod sulfidinen qorǵanıw ushın KD markalı protivogazlar bolıwı tiyis. Gaz qáwpi bar orınlarda jumıs islegende xızmetkerlerdiń qasında kislorodlı izolyaciyalawshı yamasa shlangalı protivogazlar bolıwı tiyis. Qáwipsizlik texnikası hám miynetti qorǵaw qaǵıydaları arnawlı kórsetpelerde tolıq bayan etilgen, olardı biliw dárejesi jumısshılar jumısqa túsiyden aldın tekseriledi.


Qadaǵalaw sorawları

1. Ammoniylestirilgen sherebeni karbonizaciyalawda qanday ximiyalıq reakciyalar júredi?

2. Karbonizaciyalanıw dárejesi degende neni túsinemiz hám ol qalay esaplanadı?
3. Soda óndirisinde qollanılıwshı: baylanısqan , ulıwma , baylanısqan túsinikleri neni bildiredi?
4. teoriyalıq múmkin bolǵan shaması hám óndiriste bayqalǵanı qanday?
5. Karbonizaciya processinde uglerod qos oksidin paydalanıwdıń joqarı dárejesine erisiw ne ushın zárúr?
6. kristallarınıń sapası nege baylanıslı?
7. Shóktiriw kolonnalarında temperaturalıq rejim ne menen anıqlanadı?
8. Aldan-ala karbonizaciyalawdıń áhmiyeti qanday hám ol qalay ámelge asırıladı?
9. Kolonnanı qalay juwadı?
10. Kolonna gazlerin birinshi juwıw (PGKL-1) úskenesi qanday áhmiyetke iye?
11. Karbonizaciyalawda ammiakti úrlew processi nege baylanıslı hám úrlewge qarsı gúresiw ilajları qanday?
12. Ne ushın shóktiriw kolonnalarında gazdiń eki jerden kirgiziliwi ámelge asırıladı?
13. Kolonnanıń dúzilisi hám islew principi qanday?
14. Kolonnanıń ónimdarlıǵı nege baylanıslı?
15. PGKL-1 úskenesiniń quramı hám jumıs rejimi qanday?
16. Ne ushın karbonizaciya processinde ionlarınıń koncentraciyası ózgeredi?
17. Karbonizaciya processinde ionlarınıń ulıwma , tuwrı titrin, baylanısqan hám baylanısqan koncentraciyaları ushın texnikalıq rejim normaların kórsetedi?
18.Kolonnadan suspenziyanı alıp ketiw qalay tártiplestiriledi?
19. Kolonnanıń temperaturalıq rejimi qalay tártiplestiriledi?
20.Gazdi kolonnalarǵa bólistiriwdi, kolonnadan suspenziyanı shıǵarıp alıwda hám suyıqlıqtıń kolonnaǵa kelip túsiwin avtomat tárizde tártiplestiriwdiń principleri qanday?
21. Kolonnadan shıǵa beristegi gazdegi koncentraciyasınıń hám temperaturasınıń kóteriiliwine ne sebep boladı?
22. Kolonnaǵa kirip atırǵan gazdiń basımınıń artıwına alıp keliwshi ne?
23. Kolonnada natriy bikarbonatıń mayda kristall shókpesiniń payda bolıwına alıp keliwshi sebepler qanday?
24. Kolonna suwıtqıshlarınıń trubkalarında tamshılap turǵan jerdi qalay anıqlaw múmkin?
25. KLPK úskenesin juwıwdıń sapası hám uzaqlıǵı nege baylanıslı?
26. Qáwipsizlik texnikası boyınsha tiykarǵı talaplar qanday?