А. А. Азларова, М. М. Абдурахманова

21.8. Кредит портфелини диверсификация қилиш 
 
Банкларнинг кредит портфелини диверсификациялашдан мақсад хам шу, 
муаммоли кредитларнинг юзага келишига йўл қўймаслик, банкнинг кредит 
сиёсати сохасидаги стратегияни ишлаб чиқиш, кредитларнинг сифатини тахлил 
қилиш, ва уни яхшилаш учун турли йўлларни излашдан иборатдир. 
Кредит портфелини диверсификация қилиш усули ушбу хусусиятларни 
ўзида ифодалайди: 
1. Кредитни кўп сонли, турли тармоққа таалуқли мижозлар ўртасида 
тақсимлаш 
2. Кредитни кам миқдорда бериш ва бир мижоздан кўрилиши мумкин 
бўлган зарарни бошқа мижозлардан келадиган фойда орқали қоплаш 
3. Кредитнинг умумий хажмини сақлаб турган холда қисқа муддатларга 
кредит бериш 
4. Кредитларнинг таъминланганлиги бўйича диверсификация ўтказиш.
Кредит портфелини диверсификациялаш қарзни тўламаслик рискини энг 
оддий ва осон усул билан хеджирлашга ёрдам беради ва банкнинг ссуда ва 
депозитлари кенг мижозлар кўламига бўлиб чиқишни англатади 
Кредитларни диверсификация қилишда кредитларни кам миқдорда 
кўпроқ мижозларга беришга алоҳида эътибор қилиш лозим 
Хулоса қилиб айтадиган бўлсак, тижорат банклари кредит портфелини 
бошқаришда юқоридаги тамойилларга амал қилиш, банкнинг кредит фаолияти 
самарадорлигини оширади, ўз навбатида, банкнинг кўрадиган фойдасини ҳам 
оширади. 
Назорат учун саволлар 
1.Тижорат банклари кредит портфели тушунчаси ва уни ташкил этилиши. 
2.Тижорат банкларининг кредит портфелини бошқариш усуллари қандай? 
3. Банк кредитларини таснифлаш ва захиралар ташкил этиш тартиби 
қандай? 
4. Тижорат банклари фоиз сиёсатининг моҳияти, мақсади ва вазифалари. 
5.Тижорат банклари фоиз сиёсатига таъсир этувчи омиллар. 

---

286 
22- боб. КРЕДИТ РИСКЛАРИ ВА УЛАРНИ БОШҚАРИШ 
22.1.Банк рисклари ва уларнинг турлари.
22.2.Кредит рисклари ва уларни келиб чиқиш сабаблари.
22.3.Кредитнинг алоҳида турларида кредит рискларини аниқлаш, уни 
камайтириш йўллари. 
22.4.Иқтисодиётни модернизациялаш шароитида кредит рискларини 
бошқариш усуллари.