А. Э. Тангиров бизнес ижроси ва

Тадбиркор учун унинг бизнеси ҳаёт-мамотидир. Банк 
менежери ёки чет эл инвестори учун тайёрланган бу ҳужжатлар улар 
қўлига келиб тушадиган кўплаб ҳужжатларнинг фақат биридир. Сиз 
бу режа билан уларни ишонтира олишингиз, ўзингизга жалб қила 
олишингиз ва пировардда уни қўллаб-қувватланишига эриша 
олишингиз лозим. Бунинг учун сиз тузган бизнес-режа қуйидаги 
талабларга жавоб бериши, яъни: 
- аниқ ва равон; 
- қисқа ва лўнда; 
- мантиқан кучли асосланган; 
- тўғри ва ишончли; 
- рақам ва фактлар билан ўз тасдиғини топган бўлиши шарт. 
Жаҳон тажрибасида бизнес-режани тузиш босқичлари ва унинг 
бўлимлари аниқ белгиланмаган. У корхона статуси ва катта-
кичиклигига қараб ҳар хил шаклда ва таркибий тузилишда бўлиши 
мумкин. Аммо бизнес-режа мукаммал ёки оддийлигидан, катта ёки 
кичиклигидан қатъий назар ўз моҳиятига биноан қуйидаги 
бўлимларни ўзида акс эттириши лозим. 
1-бўлим. Фирма имконияти (резюме). 
2-бўлим. Маҳсулот ва хизмат турлари.

---

222 
3-бўлим. Товар ва хизматлар сотиладиган бозор. 
4-бўлим. Рақобат. 
5-бўлим. Маркетинг режаси. 
6-бўлим. Ишлаб чиқариш режаси. 
7-бўлим. Ташкилий режа. 
8-бўлим. Ҳуқуқий режа. 
9-бўлим. Риск ва суғуртани баҳолаш. 
10-бўлим. Молиявий режа. 
11-бўлим. Лойиҳанинг рентабеллиги. 
Булимлар таркибида фирма имконияти бўлимига алоҳида этъбор 
берилиши керак. Чунки, у билан инвесторлар, менежер ва 
тадбиркорлар доимо биринчи навбатда танишадилар. 
 
17.2. Бизнесни режалаштириш босқичлари 
Бизнесни режалаштириш босқичма-босқич, ташкиллаштирилади 
ва ўзаро боғлиқ ҳолда амалга оширилади: 
1. Компаниянинг ташқи ва ички муҳитини ўрганиш; 
2. Кейин диққатга сазовор жойларни танлаш келади; 
3. Шундан сўнг бажарилган ишларнинг таҳлили ўтказилади ва 
мумкин бўлган вариантлар аниқланади, бунинг асосида ўзингизники 
шаклланади; 
4. Якуний босқичда барча дастлабки ишланмаларни ҳисобга 
олган ҳолда якуний лойиҳа тайёрланади.