Аёлларга оид энг зарур фиқҲий масалалар

Телевизор қўйилган уйда ва яланғоч расмли жойда намоз ўқиса бўладими?
Яланғоч (очиқ-сочиқ) одам расми бор жойда намоз саҳиҳ бўлмайди 
(«Fethul Kadir»: 1/29; 
Ibn-i Abidin: 1/605). 
Бу расмлар деворда осиғлиқлик ёки ойнаи жаҳонда кўрсатиляптими — 
фарқи йўқ, муҳими қўз тушишидир. Телевизор қўйилган бўлиб, яланғоч тасвирлар 
кўрсатилмаётган бўлса ҳам, у ерда намоз ўқиш макруҳ. Чунки ҳар хил ҳоллар намойиш қилиб 
қолиниши эҳтимоли бор. Ойнаи жаҳон учириб қўйилган жойда намоз ўқиш макруҳ эмас. 
Ҳайкалчалар турган жойда намоз
Ойнаванд кўргазмаларда ёки махсус оёқчаларда безак учун қўйилган кичик ҳайкаллар 
барча аъзолари бор бўлган ҳайкалча ҳисобланади ва Исломга кўра харомдир. Бундай жойда 
намоз ўқиш макруҳ. Агар ҳайкалчалар олд томонда бўлса, ҳаромга яқин макруҳдир. 
 
Безакли ва Каъба расми туширилган жойнамозларда намоз
Турли-туман безакли, ҳар хил каштали жойнамозларда намоз ўқиш танзиҳан макрухдир. 
Булар чалғитиши, ғафлатга солиши мумкин, аввало аёлларни. Жойнамозларнинг тасвирсиз, 
кашта-безаксиз, сидирға бир рангда бўлиши авлодир. Устида Каъба, Масжиди Ақсо расми 
бўлган жойнамозларда намоз ўқиш макрухдир. Бунда икки кароҳат бор: биринчиси, 
ҳурматсизлик бўлади; Каъба суратини оёқости қилмаслик керак: иккинчи кароҳат — у 
расмларга топингандай, боғлангандай бир ҳолат юзага келиб, диққат-эътиборни бузиши 
мумкин. 
Аёл далада, боғда, водийда намозни қандай ўқийди?
Аёллар сафарда, далада ё боғдалик пайтларида, эркаклар кўради, деган андиша ила 
ўтириб намоз ўқимайдилар. Чунки бу ҳолда намоз фарзларидан бири — қиём узрсиз тарк 
этилган бўлади. Фақат, сатри авратга мувофиқ намоз ўқиш керак 
(«Fetaba-i Mecmua-i Cedide»: 

---

Аёлларга оид энг зарур фиқҳий масалалар 
www.ziyouz.com kutubxonasi 
30
25).