Агробизнесни ташкил этиш ва бошқариш тдау-2020 Ўзбекистон республикаси

Ўзбекистон Республикасида 2000-2018 йилларда чорқа моллари бош сонининг ўсиш динамикаси²⁸

	2000	2005	2010	2012	2013	2017	2018
Қорамоллар	5281,8	6242,7	8510,7	9642,5	10141,3	12414,7	12726,6
Шу жумладан, сигирлар	2310,0	2704,0	3535,7	3878,2	3935,0	4418,3	4522,2
Қўй ва эчкилар	8863,6	10579,9	14432,6	16187,1	17128,8	20680,5	21287,4
Парранда	14521,3	18833,7	33053,0	42731,2	47485,8	71343,4	81538,9

Чорвачиликни ривожлантириш қишлоқ хўжалиги олдида турган биринчи даражали вазифалардан ҳисобланади.

- чорвачиликнинг мустаҳкам ем-хашак базасини барпо қилиш ва ем-хашакдан рационал фойдаланиш;
- барча турдаги чорва моллари ва паррандаларни кўпайтириш;
- подаларнинг маҳсулдорлигини ошириш ва молларни саноат технологияси асосида боқишга мослаштириш мақсадида чорвачиликда наслчилик ишларини яхшилаш;
- хизмат кўрсатиш пунктлари тармоғини кенгайтириш ҳисобидан ветеринария хизматлари ва сунъий қочириш хизматларидан фойдаланишни яхшилаш;
- шахсий ёрдамчи, деҳқон ва фермер хўжаликларига зотдор молларни сотиш бўйича кимошди савдоларини ташкил этиш;
- қорамол сотиб олишни енгиллаштириш учун ёрдамчи ва деҳқон хўжаликларини микрокредитлаш имкониятларини кенгайтириш, 2006-2012 йилларда ушбу мақсадларга 158 миллиард сўм йўналтириш, уларнинг 80 фоизи тижорат банклари орқали берилиши (имтиёзли фоизли ставкалар ва тақдим этишнинг соддалаштириш тартиби бўйича) кўзда тутилди;
- чорва молларнинг янги зотларини яратиш ва мавжуд зотларини яхшилаш, чорвачиликнинг турли соҳаларини бошқаришда назарий ва амалий усулларини ишлаб чиқиш, шу асосда чорва молларини кўпайтириш ҳамда боқишнинг рационал усулларини жорий этишда зоотехника ва чорвачилик илғорларининг иш тажрибаларига кенг ўрин бериш.