Агробизнесни ташкил этиш ва бошқариш тдау-2020 Ўзбекистон республикаси

Назорат ва муҳокама учун саволлар:
1. Таваккалчилик ва уни келтириб чиқарувчи омилларни айтинг?
2. Таваккалчиликнинг қандай турлари мавжуд?
3. Хавфнинг қандай турларини биласиз?
4. Суғурта билан боғлиқ бўлмаган хавфларни айтинг?
5. Ҳавфлардаги салбий оқибатларни камайтириш йўллари?
6. Қайси ҳолларда хавф даражаси ортиши мумкин?
7.Тавваккалчиликнинг қандай турларини биласиз?
8.Агробизнес корхоналарида таваккалчиликни қандай бошқарилади?
9. Тавваккалчиликни бошқаришнинг аҳамиятини айтинг?
10. Таваккалчилик самарадорлигини баҳолаш усулларини айтинг?

Глоссарий
А
Аванс (бўнак) – олдиндан тўланадиган пул суммаси ва тўлов ҳисоби, келгусида тўланадиган тўловлар ҳисобига олдин бериладиган пул миқдори.
Автаркия – 1)давлатларнинг бошқа давлатлар иқтисодиётига боғлиқ бўлмаган мустақил миллий хўжалик яратишга қаратилган сиёсати;
2) ўзига зарур бўлган нарсаларни четдан келтирмасдан мамлакатнинг ўзида ишлаб чиқаришга асосланган миллий хўжалик тизими.
Авторитар бошқарув – бошқарув усули бўлиб, бундай бошқарувда қўл остидаги ишчиларнинг фикри инобатга олинмайди.
Агент – бошқа шахс топшириғи ва манфаати бўйича унинг номидан ва ҳисобидан аниқ вазифаларни амалга оширадиган жисмоний ёки юридик шахс.
Аграр сиёсат – бозор ислоҳотларининг таркибий қисми бўлиб, аграр ислоҳотлар асосида амалга оширилади. Бу сиёсат қишлоқ хўжалик ишлаб чиқариши, агросаноат мажмуи (АСМ) бошқа тармоқларининг самарали ривожланиши ва қишлоқ жойларидаги муносабатларнинг бошқаруви борасида илмий қарашларнинг, ғоя ва мақсадларнинг сиёсий ва амалий воситаларининг йиғиндисидир.
Агробизнес корхоналарининг моддий-техника базаси деб - қишлоқ хўжалигида мавжуд бўлган барча меҳнат воситалари ва меҳнат буюмлари йиғиндисидир. Унинг таркибига ер ресурслари, ишлаб чиқариш иморатлари, иншоотлари, қишлоқ хўжалиги машиналари ва жиҳозлари, транспорт воситалари, маҳсулдор ва ишчи ҳайвонлар, кўп йиллик дарахтлар, сув ресурслари, уруғлик, чорва озуқалари, нефт маҳсулотлари, ўғит, кимё воситалари, уруғликлар, ем-хашаклар, ёқилғи, ёғловчи, қурилиш материаллари ва бошқалар киради.