Akblariga texnik xizmat ko‘rsatish texnologiyasi

12- Laboratoriya ishi (2-soat)

AKBlariga texnik xizmat ko‘rsatish texnologiyasi

1. Ishdan maqsad.

1. 
   Akumulator batareyalarining tuzilishi, ularda sodir bo‘ladigan kimyoviy jarayonlar mohiyatini o‘rganish. Hozirgi zamon avtomobillarida ishlatilayotgan akkumulator batareyalarining texnik tavsifnomasi bilan tanishish.
   
2. 
   Akumulator batareyasining texnik holatini tekshirish usullarini o‘rganish.
   
3. 
   Akumulator batareyasining volt-amper tavsifnomasini tekshirish va tahlil qilish.
   

2. Ishning mazmuni

Laboratoriya ishi kafedra laboratoriya bazasida yoki ilg‘or ATK larning birida o‘tkaziladi.
Talabalar bu ishda avtomobil AKBni tekshirish va sozlash ishlari bo‘yicha ko‘nikma hosil qiladilar. Laboratoriya ishini bajarishga tayyorlanishda talaba akkumulator batareyalarining tuzilishini, belgilanishini va ularda zaryadlash va zaryadsizlanish jarayonida sodir bo‘ladigan kimyoviy tasirlarni (reaktsiyalarni) chuqur o‘rganib chiqish zarur. Bundan tashqari, u akkumulatorning elektr yurituvchi kuchi (EYUK) kuchlanishi, ichki qarshiligi va sig‘imi haqidagi tushunchalarni puxta o‘zlashtirishi va ularning qanday omillarga bog‘liqligini aniq bilishi kerak.Talaba akkumulator batareyalarini ishlatish davrida qanday nosozliklar yuzaga kelishi mumkinligi va ularni bartaraf qilish yo‘llari haqida aniq tasavvurga ega bo‘lishi kerak. Va nihoyat, talaba akkumulatorning texnik holatini aniqlash usullari va bunda ishlatiladigan asbob-uskunalar bilan batafsil tanishib chiqishi kerak.

2. Jihozlar va asboblar.

1. 
   LE-2, LE-3 belgili yuklama sanchqillari yoki E107, E108 belgili akkumulator sinov as- boblari.
   
2. 
   Densimetr yoki zichlik o‘lchagich.
   
3. 
   Termometr.
   
4. 
   Shisha o‘lchov naychasi ( 5...8 mm)
   
5. 
   300A ga mo‘ljallangan o‘zgarmas tok ampermetri.
   
6. 
   15V ga mo‘jallangan o ‘zgarmas tok voltmetri.
   
7. 
   Yuklama reostati.