Alohida ta’lim ehtiyoji bo‘lgan bolalar uchun

III bo‘lim. Oila tarbiyasi 
 
 
 
 
 
 
 

 
 
 
 
 
Farzand oila ko‘zgusi (1soat) 
Xalqimizda “Qush uyasida ko‘rganini qiladi” degan hikmatli so‘z keng
tarqalgan. Bu asrlar davomida tajribadan o‘tgan ayni haqiqatdir. Har bir ota-
ona farzandini odobli, ilmli, mehribon bola bo‘lishini xohlaydi. Buning uchun
qo‘lidan kelgan barcha ishlarni amalga oshiradi. Farzandiga ta’lim-tarbiya
beradi. Ilmli, hunarli inson bo‘lsin deb niyat qiladi. Farzand voyaga yetgani
sari oilasida olgan tarbiyasi namoyon bo‘la boshlaydi. 
Shuning uchun har bir farzand qilayotgan ishiga, so‘zlayotgan so‘ziga,
xatti-harakatlariga e’tiborli bo‘lishi kerak. Chunki farzand biron - bir xato ish
qilsa, darrov uning ota-onasi surishtiriladi. Oqibatda oilasini sha’niga dog‘
tushib qoladi. Yoki buning aksi. Biron xayrli, savobli ish qiladigan bo‘lsa
odamlar darrov unga “Barakalla, ota-onangga rahmat” deb yaxshi tilaklar
bildirishadi.
Shuni unutmaslik kerakki, ota-ona farzandini orqasidan yaxshi gap 
eshitadigan bo‘lsa ko‘ngli tog‘dek ko‘tariladi. Farzandi tufayli ko‘rgan
qiyinchiliklari rohatga aylanadi. Ammo agar buni aksi bo‘lib, farzandi
orqasidan yomon gap eshitadigan bo‘lsa bu ota-ona uchun juda og‘ir musibat
hisoblanadi. 

---

23 
• Bola aziz, odobi undan aziz. 
• Yaxshi o‘g‘ildan rahmat yetar, 
yomon o‘g‘ildan la’nat.
 
Baxtli ota 
Salohiddin aka kamtarona hayot kechiradi. U Nonvoychilik bilan
shug‘ullanib, doimo elning xizmatida. Muloyim, ma’rifatli, halol inson.
Uning uchta farzandi bo‘lib, farzandlarining tarbiyasi va o‘qishiga jiddiy
e’tibor beradi. Katta o‘g‘li Rustamjon o‘tgan yili tibbiyot oliygohiga o‘qishga
kirdi. U kelajakda shikokor bo‘lmoqchi. Bu xabarni eshitgan qishloq ahli
juda xursand bo‘ldi.
Ikkinchi o‘gli Komiljon esa ota kasbini tanlab nonvoy bo‘lmoqchi. 
Uning har bir kuni nonvoyxonada o‘tadi. Non yopishning barcha sirlarini
o‘rganmoqda. Kichik farzandi Nilufar esa endi beshinchi sinfda o‘qimoqda. 
Yosh bo‘lishiga qaramay ingliz, rus va arab tillarida ravon gaplasha oladi. 
Uning orzusi tarjimon bo‘lish. Farzandlari erishgan yutuqlarda Salohiddin
akaning xizmati katta. 
Bugun uni butun qishloq ahli taniydi va hurmat qiladi. Farzandlari
erishgan yutuqlari sababli bu xonadon qishloqdagi eng namunali oilalardan
biriga aylandi. 

---

24 
1.Oilada farzandning burchi nimalardan iborat?
2.Ota-onani nima uchun e’zozlash kerak?
3.Oilani sha’nini saqlash deganda nimani tushinasiz?.
Hikmatli so‘zlarni yod oling.