Alohida ta’lim ehtiyoji bo‘lgan bolalar uchun

 
 
 
 

---

6 
Har bir farzand vatan himoyachisi. (1 soat) 
Vatan – inson tug‘ilib o‘sgan, go‘daklik chog‘idan mehr qo‘ygan zamin.
Vatan bizga ota-bobolarimizdan qolgan meros bo‘lib, uni asrab avaylash,
himoya qilish har bir farzandning burchi hisoblanadi. Inson uchun o‘zining
tug‘ilib o‘sgan vatanidan ardoqliroq maskan bo‘lmaydi.
“Vatan” atamasi aslida arabcha so‘z bo‘lib “Ona yurt” degan ma’noni
bildiradi. Vatanga bo‘lgan muhabbat va sadoqat har bir inson farzandining
fitratida mavjud bo‘ladi. Ota-bobolarimiz vatanga xizmat qilishni oliy burch
deb bilishgan. Har bir qarich yerini ko‘z qorachig‘idek asrab avaylashgan. 
Agar vatan tuyg‘usi vatanga bo‘lgan muhabbat insonlarni qalbida
bo‘lmaganida bugun yer yuzi bunchalik obod bo‘lmas edi. Donishmandlardan
biri: “Vatanga muhabbat bo‘lmaganida, yurtlar xarob bo‘lardi” degan edi. 
Shuning uchun ajdodlarimiz vatan uchun hatto shirin jonlarini ham
ayamasdan uni himoya qilishgan. Jaloliddin Manguberdi, Amir Temur, Mirzo
Bobur singari mashhur sarkardalar, ularning hayot yo‘llari fikrimiz isbotidir.
Imom Buxoriy, Ibn Sino, Farobiy kabi buyuk mutafakkir olimlarimiz o‘z
asarlarida vatanni sevish, uni ardoqlash, zarur bo‘lganda uni himoya qilish,
vatanparvarlik haqida kerakli ma’lumotlarni yozib qoldirishgan.
O‘zbekiston Respublikasi Konstitutsiyasida ham “O‘zbekiston
Respubliksini himoya qilish O‘zbekiston Respublikasi har bir fuqorosining
burchidir “ deb yozib qo‘yilgan. Shuni yodda tutish lozimki, har bir insonning
o‘z vatani oldida burchlari mavjud. Ulardan quyidagilarni aytish mumkin: 
➢ O‘z vatanida shukrona keltirib yashash; 
➢ Vatandan yiroqda bo‘lganda uni sog‘inish;
➢ O‘z vatani kamsitilganda rozi bo‘lmaslik; 
➢ Vatanga hujum qilinganda uni himoya qilish. 
• Vataning tinch, sen tinch. 
• Vatan qadrini bilmagan, o‘z qadrini bilmas.

---

7