Alohida ta’lim ehtiyoji bo‘lgan bolalar uchun

 
Hikmatli so‘zlarni yod oling. 
 
Har bir inson hurmatga loyiq (2 soat) 
Xalqimizda “Hurmat qilsang, hurmat ko‘rasan” degan hikmatli so‘z
keng tarqalgan. Har bir inson shubhasiz aziz va mukarram qilib yaratilgan.
Yer yuzidagi jamiki ne’matlar unga, uning saodatli, farovon hayot kechirishi
uchun xizmat qiladi. Dunyodagi barcha insonlar irqi, jinsi, millati, ijtimoiy
kelib chiqishidan qat’iy nazar teng huquqlidirlar. 
Qaysi bir jamiyatda inson qadri ulug‘lansa bu jamiyat rivojlanadi.
Insonlarning o‘z vataniga bo‘lgan muhabbati, sadoqati ortib boradi.
Davlatimiz tomonidan amalga oshirilayotgan islohotlarning bosh maqsadi ham
inson qadrini ulug‘lash, uning ertangi farovon hayotini ta’minlashga
qaratilgandir. Jumladan, yurtimizda inson dunyoga kelmasdan avval unga
g‘amxo‘rlik qilishga kirishiladi. Dunyoga kelishi bilan uning barcha huquqlari
qonunlar bilan kafolatlanadi. Qolaversa har bir insonning yashash huquqi,
sha’ni, qadr-qimmati, e’tiqod erkinligi, so‘z erkinligi, mol-mulki, uy-joy
daxlsizligi qonuniy jihatdan kafolatlangan.
Ota-bobolarimiz ham o‘zgalarni hurmat qilishda bizlarga namuna
bo‘lishgan. Insonlarni qalbiga ozor yetadigan har qanday xatti-harakatlardan
o‘zlarini tiyishgan. Hatto insonni yo‘qligida unga yoqmaydigan so‘zlarni
orqasidan gapirishdan o‘zlarini saqlashgan. Bu amalni g‘iybat deb bilishgan.
Ya’ni insonlarni o‘zi yo‘qligida uning ortidan ham hurmatini joyiga
qo‘yishgan.
Alisher Navoiy bobomiz ham o‘z asarlarida: “Kimki bir ko‘ngli
buzuqning xotirin shod aylagay, Oncha borkim kaba’ vayron bo‘lsa obod
aylagay” deb, insonlarni ko‘nglini ko‘tarishlik, go‘yo kaba’ni obod qilishga
tenglashtirganlar. Agar buni aksi bo‘lib, biror insonni qalbiga ozor

---

14 
beriladigan bo‘lsa, go‘yo ka’bani vayron qilishga qiyos qilinmoqda. Demak, 
insonlarni hurmatini joyiga qo‘yish o‘zgalarga ozor bermaslik, insoniylik 
burchimiz ekanligini unutmasligimiz lozim.
• Hurmat qilsang, hurmat topasan. 
• So‘z qadrini bilmagan o‘z qadrini bilmas.