Alohida ta’lim ehtiyoji bo‘lgan bolalar uchun

Otaxonning nasihati  
Choyxona to‘la odam. Hamma o‘zi bilan o‘zi ovvora. Bir kishi
tashqariga chiqsa yana biri kirib keladi. Yoshi ulug‘ bir otaxon choyxonaga
kirib keldi va uch o‘spirin yigitlar o‘tirgan so‘riga kelib joylashdi. Bu 
yigitlar otaxonga uncha e’ribor bermadi. Ular bir-biri bilan suhbatlashar,
ba’zida ovozlari ko‘tarilib o‘zgalarga biroz noqulaylik tug‘dirar edi.

---

12 
Oldilaridagi taomlarini bir qismini yeb, bir qismini orttirib qo‘yishgan.
Oshxonada xizmat qilib yurgan yigit ularning oldidan o‘tib qoldi.
Shunda ulardan biri bu yigitga “Ey yigit bu nonni qayerdan olding?
Nega bizga yangi issiq non olib kelmading?” deb e’tiroz bildirdi.
Yigit bunday qo‘pol muomalani kutmagan edi. Bo‘layotgan voqeani kuzatib
turgan otaxon chidab turolmadi. Noiloj suhbatga qo`shildi. “Ey bolalarim,
sizlar to‘qlikka sho‘xlik qilayapsiz. Oldilaringda turgan ne’matlarni qadriga
yetmay ularni isrof qilayapsiz”. Biz yoshligimizda pir parcha nonga zor
bo‘lgan kunlarimiz ko‘p bo‘lgan.
Hatto bir dona non uchun ertalabdan kechgacha ishlaganmiz. Gohida
arpa va makka unlaridan non qilib yeganmiz. Bu non tayyor bo‘lgunicha
qanchadan-qancha insonlar mehnat qilishini bir o‘ylab ko‘rganmisiz?. Kuzda
dehqon yerga urug‘ qadaydi, uni sug‘oradi. Bug‘doy pishgunicha turli
yovvoyi o‘tlardan tozalaydi, o‘g‘it soladi, hashoratlardan himoya qiladi. Yoz
fasliga qadar bug‘doyni ko‘z qorachig‘iday asrab uni parvarish qiladi. 
Bug‘doy pishishi bilan uni o‘rib davlat omborlariga jo‘natiladi.
U yerda bug‘doylar unga aylantiriladi, hamda un do‘konlariga xalq
iste’moli uchun chiqariladi. Onalaringiz, nonvoylar sizlar uchun shirin
to‘yimli bo‘lgan nonlarni yopib beradilar. Endi o‘zingiz insof bilan ayting
shuncha mehnat evaziga tayyor bo‘lgan nonni biroz suvi qochib qolsa unga
behurmatlik qilishingiz to‘g‘rimi?” – dedi. Yigitlarning xijolatdan yuzlari
qizardi. Hammalari yerga qarashdi, qilgan xatolarini tushunib yetdilar.
“Otaxon sizni aytgan barcha gaplaringiz o‘rinli. O‘ylamay gapiribmiz endi
bunday xato ish qilmaymiz” deb otaxondan uzr so‘rashdi. Otaxon yiyitlarga
qilgan nasihati zoye ketmagani uchun ularning haqqiga duo qildi. 

---

13 
1. Ne’matlarga misollar keltiring. 
2. Isrofgarchilik deganda nimani tushundinsiz? 
3. Otaxon yigirlarga qanday nasihat qildi?.