Alohida ta’lim ehtiyoji bo‘lgan bolalar uchun

Muomala madaniyati (2 soat) 
Insonga berilgan ulkan ne’matlardan biri bu nutq, so‘zlashish
imkoniyatidir. O‘zgalar bilan munosabatlarga kirishganda muomala
madaniyatidan foydalanish talab etiladi. Buning uchun insonda yuksak bilim,
go‘zal odob shakllangan bo‘lishi lozim. Biz har kuni, har lahzada
gaplashamiz va bunga odatiy holdek qaraymiz. Lekin nutq, ovoz chiqarish
murakkab va nozik bir jarayon hisoblanadi. Bu jarayonda insonni aqlidan
tortib kichik pay tolalarigacha ishtirok etadi.
Muomala jarayonida shuni unutmaslik kerakki har qanday so‘zning o‘z
o‘rni, o‘z ahamiyati, salmog‘i bor. Bir so‘z bilan o‘zgalar qalbiga quvonch,
shodlik olib kirish mumkin. Yoki, o‘ylamay gapirish oqibatida do‘stni
dushmanga aylantirib qo‘yish ham mumkin. O‘tmishda ota-bobolarimiz
muomala madaniyatiga, so‘zlashuv odobiga alohida e’tibor berishgan.
Og‘izdan chiqayotgan so‘zni o‘ylab gapirishgan. Insonlar bilan muomalaga
kirishganda avvalo salom berish bilan suhbatni boshlang. Suhbat jarayonida
ochiq yuzli va samimiy bo‘lishga harakat qiling. Suhbatdoshingizga
yoqmaydigan har qanday so‘z, xatti-harakarlardan o‘zingizni tiying.
Qarshingizda turgan insonni yoshi, uning ruhiy holatiga e’tibor berishni
unutmang. O‘zgalar bilan muomala qilganingizda quyidagi salbiy illatlardan
saqlaning:

---

18 
➢ Bema’ni, befoyda so‘zlarni gapirish, 
➢ Odamlarga yoqish uchun so‘zamonlik qilish, 
➢ Odobsiz so‘zlarni so‘zlash,
➢ O‘zgalarni ustidan kulish, mazax qilish, 
➢ O‘zgalar sirini oshkor qilish,
➢ Yolg‘on so‘zlash va g‘iybat qilish.
Agar siz suhbat davomida bu kabi yomon odatlardan foydalansangiz
suhbatdoshingiz sizni odobsiz inson ekan deb o‘ylaydi. Oqibatda o‘zaro
munosabatlarga putur yetadi. 
• Avval o‘yla, keyin so‘zla. 
• Shirin so‘z jon ozig‘i.