Amaliy mashg’ulot: Bo’g’ma, infektsion mononukleoz, qizamiq, epidemik parotit, ko’kyo’tal, skarlatina

Kasallikning kechishi: 
Skarlatina tekis asoratsiz yoki allergik, septik asoratlar bilan o’tishi mumkin. 
Kasallik tekis kechganida patologik jarayon 2 – 3 xafta davom etadi. 

---

Skarlatina 2 – 3 xaftalarda qaytalanishi (retsidiv) mumkin va bu asosan 
reinfektsiya va superinfektsiya bilan bog’liq bo’ladi. 
 
Asoratlari: 
Skarlatina asosan limfoadenit, otit, sinusit, nefrit, sinovit, yiringli artrit, 
mastoidit singari asoratlar beradi. Ular kasallikning boshlanishi yoki keyinroq paydo 
bo’lishi mumkin. Ularning negizida allergiya, reinfektsiya va superinfektsiya omillari 
yotadi. 
Infektsion – allergik asoratlar (nefrit, sinovit, oddiy limfoadenit) kasallikning 
ikkinchi davri, ya’ni 2 – 3 xaftada kuzatiladi. Yiringli asoratlar esa kasallik boshi va 
keyingi davrda uchrashi mumkin. Bu asoratlar asosan nimjon va eng yosh bolalarda 
uchrashi mumkin. 
Xozirgi paytda penitsilinning qo’llanishi, va reinfektsiyani oldini oluvchi
shifoxonaga yotkizish qoidalari organizmning tezroq sanatsiyalanib, yuqoridagi 
asoratlarni keskin qisqarishiga sababchi bo’lyapti. 
Diagnoz: 
Tipik xollarda kasallikka diagnoz qo’yish qiyinchilik tug’dirmaydi. 
Faqat kasallikning o’ta engil turlarida yoki bemor shifoxonaga kech tushganida 
diagnostik qiyinchiliklar bo’lishi mumkin. 
Laboratoriya diagnozi uchun xalqumdan surtma olib, β – gemolitik 
streptokokkni topish, antistreptolizin O ning titrini aniqlash mumkin. Shuningdek 
boshqa fermentlarni, streptokokk antitoksinini aniqlash xam ishlatilishi mumkin. 
Skarlatinaga beriluvchilikni aniqlash uchun DIK sinamasidan foydalaniladi. 
Bunda bilak terisi orasiga (vG’k) standartlashgan eritrogen toksindan 0,1 ml 
yuboriladi. 24 soat mobayinda in’ektsiya o’rnida infiltrat yoki diametri 10 mm dan 
ortiq giperemiya yuzaga kelsa sinama musbat xisoblanib, bolada antitoksin immunitet 
yo’qligi va u skarlatina bilan kasallanishi mumkinligidan dalolat beradi. Xozirda 
diagnostikada bu sinama qo’llanilmaydi, chunki uning natijasi sekinlashgan yukori 
sezgirlik tipidagi fenomenga xam bog’liq bo’ladi.