Amaliy mashg’ulot: Bo’g’ma, infektsion mononukleoz, qizamiq, epidemik parotit, ko’kyo’tal, skarlatina

Differentsial diagnoz: 
Skarlatina psevdotuberkulyoz, iersinioz, stafilokokkli infektsiya, toksik – 
allergik xolat, qizamiq, meningokokktsemiya, enterovirusli ekzantema kasalliklari 
bilan differentsial diagnoz qilinadi. 
Skarlatinani davolash: 
Skarlatinaga chalingan bemorlar klinik – epidemiologik ko’rsatmalariga binoan 
shifoxonaga yotkiziladi. Engil va o’rtacha og’irlikda skarlatina o’tkazayotganlarni uy 
sharoitida davolasa bo’ladi. Og’ir bemorlar yoki uy sharoitida aloxidalab davolash 
imkoni bo’lmagan bemorlar shifoxonaga yotkizib davolanadi. Skarlatina bemorlar 
bokslarga 0 yoki 2 – 4 kishilik palatalarga qo’yiladilar. Palatalarga bemorlar bir 
paytning o’zida joylanadilar og’rib tuzalayotgan bemorlar bilan yangi tushayotgan 
bemorlar bir – birlari bilan muloqotda bo’lmasliklari lozim.
Bemorlar shifoxonadan penitsillin bilan davolash tugagach, kasallikning 7 – 10 
kuni chiqariladilar. 
Uyda davolashni tashkil qilishda oiladagi boshqa bolalarga kasallik 
yuqmasligini oldini olish maqsadida bemorni aloxida xonaga joylab, sanitariya – 

---

gigiena qoidalariga amal qilishi ta’minlash zarur (doimiy dezinfektsiya, bemor, uchun 
aloxida idish, parvarish anjomlari). 
Kasallikning o’tkir davrida bemor yotoq rejimida bo’lmog’i kerak. Kasallik 
jarayonida parxez to’laqonli, vitaminlarga boy va tomoqni mexanik ximoyalovchi 
bo’lishi shart. 
Skarlatina antibiotiklar bilan davolanadi. Qarshi ko’rsatmalar bo’lmasa 
penitsillin buyurish maqsadga muvofiqdir. Antibiotiklar bilan davolash 5 – 7 kun 
bo’ladi. Uy sharoitida davolanganda fenoksimetil – pentsillin berilgani ma’qul. U 
sutkaga bolaning xar kg vaznga 50 000 ME dan 4 ga bo’lib beriladi. Shifoxonada 
sutkasiga 2 marta penitsillin muskul orasiga yuborilgani yaxshi. Odatda xar kg 
vaznga qarab sutkasiga 50 000 ED, og’ir xollarda 100 000 pentsillin buyuriladi. 
Pentsillinga allergiya bo’lgan xollarda boshqa antibiotiklar – duratsef, 
amoksiklov, rulid, sulfanilamid preparatlari terapevtik dozalarda taklif qilinadi. 
Intoksikatsiya simptomlari yaqqol bo’lgan xollarda infektsion eritmalar – 
reopoliglyukin 10% li glyukozani eritmasi 2 – 3 kun mobaynida buyuriladi. Bemorga 
yana askorbin kislotasi, sensibilizatsiyani kamaytiruvchi – suprastin, tavegil, tomoqni 
chayqash uchun romashka (moychechak), furatsillin eritmalari tavsiya qilinadi. 
Asoratlarni o’ziga xos xususiyatlariga qarab davolanadi. Yiringli asoratlar 
antibiotiklar bilan davolanadilar. Bundan tashqari simptomatik davo, fizioterapiya 
(UVCh, UFO, quruq issiq) buyuriladi.