Автомобиль йўллари

Дробильно-сортировочная установка - майдалаб саралайдиган қурилма (МСҚ) - тош материалларини майдалаб бир поғонали ва икки поғонали элакларда фракцияларга ажратиб, уларни омборларга тайёр ҳолда узатиш ёки транспорт воситаларига ортиш ишларини бажарадиган машиналар мажмуи. Бу машиналар аниқ кетма-кетликда, тош материалларини (тош ва шағал) бойитиш ва уларни қайта ишлашнинг танланган стандарт схемаларига мувофиқ жойлаштирилади. Кўчма (ғилдиракли кўчма мажмуа) ёки алоҳида рақамларга жойлаштирилган агрегатлар кўринишидаги стационар мажмуалар бўлиши мумкин.
Заливщик швов - чокларга қуювчи - қўлда тортиладиган, ёпиқ бочкали, махсус жиҳозланган арава бўлиб, сиқилган ҳаво ёрдамида махсус найдан чокка мастика қуйилади.
Рефулер (землесос снаряд) - рефулер - гидроаралашмани майдалаш, кўтариш ва кўчириш учун землесос ўрнатилган кемача ёки марказдан қочувчи тарзда ўрнатилган бир ёки бир неча насослар. Чуқурлик тубида ишлаганда, қум ишлаб чиқаришда ҳамда бошқа ер ишларида фойдаланилади.
Измерительный преобразователь (датчик) - ўзгартирувчи ўлчаш асбоби (датчик) - ўлчанаётган диапозонда керакли сезгирлик ва аниқликка эга бўлган автоматик тизимларнинг ўлчовчи қисми бўлиб, ўлчанган қийматни сигналга (кўпинча электрик) айлантириб, қайта ишлайди, ҳисобга олиб узатади. Ноинерцион ва инерцион, электрик, фотоэлектрик, индукцион, индуктив, потенциометрик, генераторли, сильсин ва шу каби датчиклар мавжуд.
Индивидуальный метод ремонта - алоҳида (якка) таъмирлаш усули - бир бригада бажарадиган таъмирлаш усули. Йўл машинасидан ечиб олинган барча агрегат ва қисмлар таъмирланиб, қайта ўрнатилгунча йўл машинаси устахонада бўлади. Ҳар хил турдаги машиналарнинг кичик ҳажмдаги таъмирлаш ишларида фойдаланилади (“Агрегат усулида таъмирлаш”га қаранг).
Инструмент механизированный – механизациялаш-тирилган асбоблар - ишчи органи электродвигатель (электроасбоб), сиқилган ҳаво (пневмоасбоб) ҳамда ички ёнув двигатели ёрдамида ишга тушириладиган ҳар хил қўл асбоблари. Ишчиларнинг меҳнатини енгиллаштирувчи кичик механизация воситалари ҳисобланади.