Автомобиль йўллари

Провозная способность дороги - йўлнинг олиб ўтиш қобилияти - бир бирлик вақт мобайнида автомобиль йўлининг берилган қисмидан ташилиши мумкин бўлган юкларнинг оғирлиги ёки йўловчилар сони.
Проезд боковой - ёнлама йўл - шаҳар йўлининг бир тури. Магистрал кўчалар қатнов қисмларининг ўтказиш қобилияти чекланганда транспорт оқимини ўтказиш учун хизмат қилади.
Проезд внутриквартальный - маҳаллалараро автомобиль йўли - маҳаллалар, кичик туманлар ичидаги, маҳаллий ва туман аҳамиятидаги магистрал кўчалар билан маҳаллий транспорт алоқаларини таъминловчи шаҳар йўлининг тури. Баъзида алоҳида саноат ёки қурилиш объектларига кириш йўли бўлиб хизмат қилади.
Пропускная способность дороги - йўлнинг ўтказувчанлик қобилияти - бутун йўл ёки йўл қисмининг берилган тезлик ва ҳаракат хавфсизлиги таъминлаган ҳолда бир бирлик вақт ичида ўтказиши мумкин бўлган энг кўп автомобиль миқдори. Одатда 1 соатда ўтган автомобиль сони билан (авт/соат) ўлчанади. Шунингдек 8-бўлимга қаранг.
Протяженность дороги - йўлнинг узунлиги - ҳақиқатда пикет қозиқлари ва километр белгилари бўйича кўрсатилган объектлар ёки аҳоли турар жойлари орасидаги йўлинг ҳақиқий узунлиги.
Развитие сети дорог - йўл тармоқларини ривожлантириш - бирон-бир минтақадаги халқ хўжалиги ва аҳолининг автомобилда ташишга бўлган эҳтиёжига қараб автомобиль йўлларининг келажакда жойлаштириш режасини амалга ошириш.
Сеть автомобильных дорог - автомобиль йўллари тармоғи - республика, вилоят ёки туманлар ҳудудидаги мавжуд халқ хўжалигининг ҳамма соҳаларига хизмат кўрсатувчи барча йўлларнинг мажмуаси.
Скорость движения расчетная - ҳисобий ҳаракат тезлиги - якка енгил автомобильнинг қуруқ қопламали, кўриниш масофаси етарли бўлган, аниқ тоифали йўлда рухсат этилган энг хавфсиз ҳаракат тезлиги. Ҳисобий тезликка асосланиб йўлнинг геометрик элементлари меъёрланади.
Служба автотранспортная - автотранспорт хизмати - автомобилда юк ва йўловчи ташиш, ҳаракатланадиган составни ташкиллаштириш, бошқарувни марказлаштириш ва хизмат кўрсатиш вазифалари юклатилган бўлинмалар мажмуаси.