Azərbaycan Respublikası Təhsil Nazirliyi
Download 5.01 Kb. Pdf ko'rish
|
2014-2730 (2)
JK-trigger RS-trigger kimi J və K girişlərinə malikdir. J-girişi düz çıxışda “1” vəziyyətini, K-girişi isə “0” vəziyyətini almaq üçündür. Bu trig- gerdə RS-triggerə xas olan R=S=1 (J=K=1) halındakı qeyri-müəyyənlik aradan götürülür. “VƏ-YOX” elementlərində yaradılan JK-triggerin sxemi şəkil 4.9 -də göstərilmişdir. Belə trigger aparan-aparılan prinsipində qoşulmuş iki sinxron RS- triggerdən ibarətdir. T1 triggerində üç girişli “VƏ-YOX” elementləri qoşulur. Bu elementlərin birinci girişlərinə sinxronlaşdırıcı impulslar, ikinci girişlərinə J və K idarə siqnalları, üçüncü girişlərinə isə idarəedici əks əlaqə siqnalları verilir. JK-trigger J=K=1 halından başqa digər hallarda RS-trigger kimi işləyir. J=K=1 halında isə giriş “VƏ-YOX” elementləri açıqdırlar və növbəti sinxroimpuls o 83 elementdən keçir ki, onun üçüncü girişinə triggerin çıxışından “1” siqnalı verilmiş olsun. Bu halda trigger öz vəziyyətini əksinə dəyişir. Şəkil 4.9. “Və – yox” elementlərində JK – triggerin funksional sxemi T-trigger adətən hesab triggeri adlanır və öz vəziyyətini hər dəfə sinxroimpuls təsir etdikdə dəyişir. Belə trigger J=K=1 halında JK-triggeri üzərində yaradılır. T-trigger impuls sayğacının elementi və tezlik bölücüsü kimi istifadə edilir. 4.2.Registrlər Registr ikilik kodu qeyd etmək, yadda saxlamaq və onu lazım olan sayda dərəcələr (mərtəbələr) üzrə sürüşdürmək üçün olan funksional qurğudür. Registr eyni tipli yaddaş elementlərindən və idarəedici kombinasiyalı sxemdən təşkil olunur. Yaddaş elementinin hər birində ikilik kodun ancaq bir mərtəbəsini yadda saxlamaq olar. Odur ki, yaddaş elementi uyğun kombinasiyalı idarə sxemi ilə birlikdə registrin mərtəbəsi adlanır. Çoxmərtəbəli kod registrə paralel və ardıcıl daxil edilə bilər. Birinci halda kod registrin bütün mərtəbələrinə eyni zamanda yazılır. İkinci halda isə yazılma mərtəbələr üzrə ardıcıl olaraq yerinə yetirilir. Məlumat kodlarının daxil və xaric edilmə üsulundan asılı olaraq paralel, ardıcıl və kombinə edilmiş registrlər mövcuddur. Paralel registrlərdə kodun daxil və xaric edilməsi paralel olaraq həyata keçirilir. Belə registrlər yaddaş funksiyasını yerinə yetirir və adətən D-tipli triggerlərdə yaradılır (şəki 4.10). Kodun registrə daxil edilməsi C1 girişinə sinxronlaşdırıcı impuls verildikdə həyata keçirir. Registrin triggerləri bu zaman X 1 , X 2 ,…,X n giriş siqnalının uyğun mərtəbələrini yadda saxlayırlar. Yadda saxlanılan kodun xaric edilməsi (oxunması) onun məzmununun dəyişməməsi şərti ilə dəfələrlə yerinə yetirilə bilər. Bundan ötrü hər dəfə C2 girişinə «oxuma» impulsları verilməlidir. 84 Şəkil 4.10 Paralel registrin funksional sxemi Kod ardıcıl registrlərdə mərtəbələr üzrə ardıcıl olaraq daxil edilir (şəkil 4.11). Bu registrlər bəzən sürüşdürücü registrlər də adlanır. Birinci sinxronlaşdırıcı impuls daxil edilən kodun ən kiçik X 1 dərəcəsini registrin birinci dərəcəsinə yazır. Şəkil 4.11. Ardıcıl registrin struktur sxemi Növbəti sinxroimpuls kodun ən kiçik dərəcəsini registrin ikinci dərəcəsinə sürüşdürür, birinci dərəcəsinə isə kodun ikinci X 2 dərəcəsini yazır. Eyni ilə üçüncü sinxroimpuls kodun X 1 dərəcəsini registrin üçüncü dərəcəsinə, X 2 dərəcəsini registrin ikinci dərəcəsinə sürüşdürür, birinci dərəcəsinə isə kodun üçüncü X 3 dərəcəsini yazır. Beləliklə, növbəti sinxroimpuls yazılmış giriş kodunu ardıcıl olaraq bir dərəcə sürüşdürür. Əgər registr n dərəcədən ibarətdirsə, onun doldurulması üçün n sayda sinxroimpuls tələb olunur. Registrə daxil edilmiş n-dərəcəli kodun xaric edilməsi (oxunması) dərəcələr üzrə sonrakı sinxroimpulslar vasitəsilə həyata keçirilir. Sürüşdürücü registrlər adətən gərginlik dəyişmələri ilə sinxronlaşdırılan ikipilləli DV və ya RS –triggerlər üzərində yaradılır. Bu triggerlərdə məlumatın birinci pillədən ikinci pilləyə köçürülməsi müəyyən gecikmə ilə baş verir. Bu gecikmə, məlumatın registrin sonrakı dərəcəsinə sürüşdürülməsi zamanı yadda saxlanmasını təmin edir. Sürüşdürücü registrlər içərisində sürüşmə istiqaməti idarə olunan reversiv sürüşdürücü registrlər xüsusi yer tuturlar. Bu cür registrlərdə əlavə məntiq elementləri vasitəsilə xarici idarə siqnalı ilə dərəcələrin birləşdirilməsi ardıcıllığı inversiya olunur. Reversiv registrlərin tətbiq sahələri vurma və bölmə 85 sxemləridir. Belə ki, ikilik ədədin bir mərtəbə sürüşdürülməsi istiqamətindən asılı olaraq bu ədədin ikiyə vurulması və ya bölünməsi baş verir. Kombinə olunmuş registrlərdə paralel və ardıcıl registrlərin imkan- larından istifadə edilir. Məlumat ardıcıl daxil edilən və paralel xaric edilən registrlər və əksinə, məlumat paralel daxil edilən və ardıcıl xaric edilən registrlər kombinə olunmuş registrlərə aid edilə bilərlər. Belə registrlərdən birinin sxemi şəkil 4.12-də göstərilmişdir. Əgər M girişinə «0» siqnalı verilmiş olarsa, DD1 və DD2 elementləri açıq, DD3 isə bağlı olurlar. Bu vəziyyətdə registr sürüşdürücü registr kimi işləyir. Daxil edilən kod X girişinə verilir. Əgər M girişinə «1» siqnalı verilmiş olarsa DD1 bağlı, DD2, DD3 elementləri açıq olurlar. Bu halda registr paralel registrə çevrilir. Daxil edilən kodun müvafiq mərtəbələri uyğun olaraq X1 və X2 girişlərinə verilir. Xaric edilən kod Q1 və Q2 çıxışlarında alınır. Şək.4.12. Kombinəedilmiş registr Download 5.01 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling