FAOL NUTQ A’ZOLARI Tovush hosil boʻlishida asosiy ishni bajaradigan, faol harakat qiladigan a’zolar: tovush paychasi, kichik til, til, yumshoq tanglay, pastki jag‘, lab.
FAOL TUZILMA Harakat subyekti ega orqali, harakat obyekti esa toʻldiruvchi orqali ifodalangan tuzilma: Nafisa hovlini supurdi.
FARINGAL UNDOSH (yun. pharynx, pharyngos – boʻgʻiz) Til negizi bilan boʻgʻizning orqa qismi oraligʻida havo yoʻlining torayishi bilan (boʻgʻiz boʻshligʻining faol ishtiroki bilan) hosil boʻladigan undosh. Masalan, oʻzbek tilidagi h undoshi.
FARQLASH VAZIFASI Til birligining (fonemaning) ifodalash va farqlash vazifasi. Masalan, kel – kul, ot – it, bol – bor va b.
FARQLOVCHI SEMA Koʻp ma’noli soʻz semalaridan har birining oʻziga xos boʻlgan, ular sememasini bir-biridan farqlaydigan sema. Masalan, aka, uka soʻzlari katta-kichiklik semasi bilan; opa, aka soʻzlari jins semasi bilan farqlanadi.
FE’L BOSHQARUVI Hokim qismi fe’l bilan ifodalangan boshqaruv aloqasi: Daraxtga chiqmoq, mehmonlarni kuzatmoq, pichoq bilan kesmoq kabi.
Do'stlaringiz bilan baham: |