B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

FUNKSIONAL KO‘CHIRISH Bir predmet nomini boshqa predmetga bajaradigan vazifasidagi oʻxshashlik asosida koʻchirish. Masalan, oʻq soʻzining zambarakning oʻq birikmasida ma’nosi funksional koʻchirish asosida hosil boʻl­gan.
FUNKSIOIAL USLUBLAR Tilning inson faoliyatining u yoki bu sohasi bilan bogʻliq vazifalariga koʻra ajratiladigan uslublar.
FUNKSIONAL SEMANTIKA Soʻz semantikasining oʻzgarishini ular ang­lat­gan narsalarning bir xil vazifa bajarishi bilan izohlovchi nazariya. Masalan, rus. pero (qush pati) – pero (yozuv quroli).
FUNKSIONAL SOʻZLAR Yordamchi soʻzlar va modal soʻzlarning umumiy atamasi.
FUNKSIONAL USLUBSHUNOSLIK Uslubshunoslikning funksional uslub­larni oʻrganuvchi boʻlimi.

G
GAP BOʻLAKLARI Gap tarkibida ma’lum bir soʻroqqa javob boʻlib, ma’lum bir sintaktik vazifada keluvchi soʻz yoki soʻz birikmalari. Gap boʻlaklari gap tarki­bidagi roliga qarab, ikki asosiy turga boʻlinadi: 1) bosh boʻlaklar (q.), 2) ikkin­chi darajali boʻlaklar (q.).
GAP BOʻLAKLARINING TARTIBI Gap boʻlaklarining oʻzaro ma’lum gram­matik qonun-qoida asosida, ma’lum sintaktik, mazmuniy, uslubiy qiymati bilan bogʻliq holda joylashuvi. Gap boʻlaklari tartibining ikki turi bor: 1) toʻgʻri tartib (q.), 2) teskari tartib yoki inversiya (q.).
GAP Til qonunlari asosida grammatik va ohang jihatdan shakllangan, fikrni ifodalash uchun xizmat qiladigan nutq birligi. Gapning grammatik asosini predi­kativlik – zamon, mayl, tasdiq-inkor, shaxs-son kategoriyasi va xabar ohangi tashkil etadi. Oʻzbek tilida eng kichik gap birgina kesimdan iborat boʻladi: Oʻqi. Oʻqidi. Boryapsan. Talabaman.