FRAZEOLOGIK OMONIMLAR Talaffuzi va yozilishi bir xil bittadan ortiq frazeologik birlik: boshiga koʻtarmoq (qattiq shovqin qilmoq) – boshiga koʻtarmoq (yuksak darajada izzat-hurmat qilmoq).
FRAZEOLOGIK BIRLIK Tuzilishiga koʻra soʻz birikmasiga, gapga teng, semantik jihatdan bir butun, umumlashgan ma’no anglatadigan, nutq jarayonida yaratilmay, nutqqa tayyor holda kiritiladigan lugʻaviy birlik. Turgʻun birikmalarning obrazli, koʻchma ma’noga ega turi. Masalan, tomdan tarasha tushganday, oyogʻini qo‘liga olmoq, sichqonning ini ming tanga va b.
FRAZEOLOGIK OMONIMIYA Frazeologik birliklar oʻrtasidagi omonimiya. Q. Frazeologik omonimlar.
FRAZEOLOGIK SINONIMLAR Bir xnl ma’noga ega boʻlgan, ma’no nozikligi, uslubiy boʻyogʻi va boshqa jihatdan oʻzaro farqlanadigan frazeologik birliklar. Masalan, ogʻziga tolqon solmoq – mum tishlamoq kabi.
FRAZEOLOGIK TAHLIL Frazeologik birliklarning lugʻaviy birlik sifatidagi tahlili.
FRAZEOLOGIK KALKA O‘zga til frazeologik birligidan qismma-qism nusxa olish yoʻli bilan hosil qilingan frazeologik birlik. Masalan, barmoq orasidan qaramoq frazeologizmi ruscha смотреть сквозь пальцы frazeologzmini kalkalash natijasida hosil boʻlgan.
FRAZEOLOGIK SINONIMIYA Frazeologik birliklar orasidagi sinonimiya. Q. Frazeologik sinonimlar.
FRAZEOLOGIYA (yun.fraza – ibora + 1ogoz – tushuncha, ta’limot) 1. Tilshunoslikning frazeologik birliklarni oʻrganuvchi boʻlimi.
2. Tilning frazeologik birliklari majmui.
FRAZEOLOGIZM – ayn. Frazeologik birlik.
FRAZEOLOGIK LUGʻAT Tilning frazeologiyasini aks ettiruvchi, frazeologik birliklardan tuzilgan lugʻat. (q. SH. Rahmatullayevning 1978- yilda nashr etilgan «O‘zbek tili ning izohli frazeologik lug‘ati»). Q. Lingvistik lugʻat.
Do'stlaringiz bilan baham: |
