B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

AJRATILISH (AJRALISH) Gap boʻlaklarini mazmun va ohang jihatdan ajratish. Gap boʻlaklarini ajratish ma’lum mazmun va uslub talablari bilan boʻladi.
AKADEMIK GRAMMATIKA Mamlakatning asosiy ilmiy tashkiloti – Fanlar akademiyasi tomonidan nashrga tayyorlangan шlmiy grammatika. Masalan, «Fan» nashriyoti tomonidan 1975 – 1976 yillarda nashr etilgan ikki jildli «O‘zbek tili grammatikasi».
AKKOMODATSIYA (lot. accomodatio – muvofiqlashuv) Yonma-yon kelgan undosh va unli tovushlar artikulyatsiyasining bir-biriga uygʻunlashuvi. Masalan, i, u unlilari k, g undoshlari bilan yondosh kelganda, ularga moslashib, oldingi qator unli sifatida talaffuz etiladi: kiyik, sigir, bugun, gul. Xuddi shu unlilar chuqur til orqa q, gʻ undoshlari bilan yondosh kelganda, ularga moslashib, ma’lum darajada til orqa unlisi kabi talaffuz etiladi: qiyin, quyuq, gʻujum, gʻijim va b.
AKTIV KONSTRUKTSIYA – q. Faol tuzilma.
AKTIV LUGʻAT – q. Faol lugʻat.
AKTIV NUTQ ORGANLARI – q. Faol nutq a’zolari.
AKSENT (lot. accentus – urgʻu) Boshqa tilda soʻzlaganda, tovushlarni oʻsha tildagidan boshqacha holda, oʻz til tovushlari kabi talaffuz etish: oʻzbekcha aksent bilan gapirmoq.
AKSENTEMA (lot. acsentus – urgʻu) Boʻgʻindagi urgʻuning kuchli va kuch­sizligi.
AKSENTOLOGIYA (lot. acsentus – urgu; yun. 1ogos – soʻz ta’limot) Foneti­kaning urgʻuni (urgʻuning tabiati, tipi, vazifasi va h.) oʻrganuvchi boʻlimi.
AKUSTIK FONETIKA (yun. akustikos – tovush, tovushga oid) Eksperimental fonetikaning nutq tovushlari hosil boʻlishini yuzaga kelgan tovush toʻlqinlari aspek­tida oʻrganuvchi boʻlimi. Akustik jihatdan tovushning bir qator belgilari farqlanadi: 1) tovush kuchi (q.), 2) tovush balandligi (q.), 3) tovush tembri (q.), 4) tovush choʻziqligi (q.).