B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

SEMANTIKA (fran. semantique, yun, semantikos ifodalovchi) 1. Til birlik­la­rining mazmun, ma’no tomoni.
2. ayn. Semasiologiya.
SEMASIOLOGIK TAHLIL Lugʻaviy birliklarning semantikasi va u bilan bogʻli boʻlgan hodisalar nuqtayi nazaridan boʻladigan tahlil.
SEMASIOLOGIYA (yun. semasia – ifodalash + 1ogos – tushuncha, ta’limot) Til birliklarining, birinchi navbatda, lug‘aviy birliklarning semantik tuzilishi va u bilan bog‘liq masalalarni oʻrganuvchi soha.
SEMEMA Leksemaning ichki, mazmuniy tomoni. Semema til birligi sifatida nutqiy lug‘aviy ma’noga qarama-qarshi turadi. Sememaga tayyorlik, ijtimoiylik, cheklanganlik, barqarorlik, takroriylik belgilari xos bo‘lsa, nutqiy lug‘aviy ma’no tayyor emaslik, individuallik, cheksizlik, beqarorlik, betakrorlik belgilariga ega. Masalan yaxshi leksemasining sememasi “umumiy ijobiy baho” bo‘lib bu semema yaxshi qiz so‘z birikmasida “odobli”, yaxshi pichoq so‘z birikmasida “o‘tkir”, yaxshi o‘qituvchi so‘z birikmasida “mahoratli” va hokazo nutqiy lug‘aviy ma’no­lar ko‘ri­nishida voqelanadi.
SEMIOLOGIYA (yun. sema – belgi, logos – tushuncha, ta’limot) – ayn. Semiotika.
SEMIOTIKA (yun. semiotike < semion – belgi) Turli-tuman belgilar (ramzlar) tizimining umumiy xususiyatlarini oʻrganuvchi fan.
SERMAHSUL QO‘SHIMCHALAR Koʻp miqdorda soʻz yasaydigan, hozir­gi soʻz yasalishida faol boʻlgan qo‘shimchalar. Masalan, ot yasovchi -chi, sifat ya­sov­chi -li, fe’l yasovchi -la qo‘shimchalari.
SERMAHSULLIK Koʻp miqdorda soʻz yasalishida qoʻllanish xusu­siyati.
SERUNUM QO‘SHIMCHALAR – ayn. Sermahsul qo‘shimchalar.