Gu’rrin’ du’ziw: Oqıtıwshı jazıw taxtasındag’ı ga’plerdi ashadı. Oqıwshılar oqıtıwshı bergen sorawlar ja’rdeminde ga’plerdi kerekli ta’rtipte jaylastırıp gu’rrin’ payda etedi. Oqıtıwshı ha’r bir sorawg’a berilgen durıs juwaptı jazıw taxtasına jazıp baradı. Payda bolg’an gu’rrin’di oqıwshılar oqıydı.
Jaqsı dos
Baxıt birinshi klassta oqıydı. Ol – jaqsı oqıydı.
Baxıt oqıwda, jumısta doslarına ja’rdem beredi. Olar birge sabaq tayarlaydı, birge oynaydı.
Klasslasları Baxıttı «jaqsı dos» deydi. (24 so’z)
Zıyapat
Anvar jeti jasqa toldı. Ol dosların u’yine shaqırdı. Balalardı Arzayım apa ku’tip aldı. Olardı ha’r qıylı tag’amlar menen miyman qıldı. Anvar quwandı. (22 so’z)
Ziyba
Ziybanın’ ____________ ko’k somsa pisirmekshi boldı. _____________ sebetshe alıp bag’qa shıqtı. Salma boyındag’ı ________________ tere basladı. Usı waqıtta ___________ kelip qaldı. Ol Ziybag’a ___________________________. (24 so’z)
Qoyıw ushın so’zler: anası, Ziyba, jon’ıshqanı, Salima, ja’rdemlesti.
Jumıs «Za’rip ha’m Zafar» teksti sıyaqlı alıp barıladı.
Amir Temur
Atamız Amir Temur ullı sa’rkarda edi.
Atamız o’mir boyı o’zinin’ «Ku’sh – a’dalatta» degen hikmetlerine a’mel qıldı. Amir Temur atamız ko’p ma’mleketlerde a’dalat ornattı.
Atamızdın’ islerin Mırza Ulug’bek, Babur Mırzalar dawam ettirdi. (31 so’z)
Imla: o’mir boyı, «Ku’sh – a’dalatta», hikmetlerine, Mırza Ulug’bek, Babur Mırza, ettirdi so’zleri u’stinde islenedi. Oqıwshılarg’a izbe-iz kelgen bir qıylı dawıslı so’zlerdin’ durıs jazılıwı (ettirdi), adamlardın’ atı bas ha’rip penen jazılıwı esletiledi.
Analiz: Atamız Amir Temur kim bolg’an? Ol o’mir boyı nege a’mel qılg’an? Amir Temur ko’p ma’mleketlerde ne ornattı? Aqırg’ı ga’pler kimler haqqında? Atamız Amir Temur kim edi? «Ku’sh – a’dalatta» degen hikmetke kim a’mel qıldı? Amir Temur atamız qay jerlerde a’dalat ornattı? Atamızdın’ jumısların kimler dawam ettirdi?
E K I N SH I K L A S S
Do'stlaringiz bilan baham: |
