Bosh va yuz-jag sohasi ko‘shma shikasti. Klinikasi, diagnostikasi, davolashda shifokor stomatolog taktikasi

Burun suyaklari sinishi 
Burun suyaklarining sinishi bolalarda kam uchraydi. Ustki 
yumshoq to‘qimalari shikastlanmagan holda burun suyaklari singan, 
aksariyat bemorlar LOR bo‘limlarida davolanadilar. Agar yuz yumshoq 
to‘qimalari va yuz-jag‘ suyaklari bilan birgalida burun suyalari ham 
singan bo‘lsa, bunday bemorlar jarrohlik stomatologiyasi bo‘limida 
davolanadilar. 
Shikoyatlari – burundan qon kelishi, nafas olish 
qiyinlashganligi va burun shaklining buzilganligiga bo‘ladi. 
Klinik manzarasi: Bola davolash muassasasiga yetkazilganda, 
burundan qon ketishi to‘xtagan bo‘ladi. Ko‘zdan kechirilganda burun bir 
tomonga qiyshaygan, ustidagi yumshoq to‘qimalarda har xil darajadagi 
(shilingan, 
ezilib-yirtilgan) 
jarohatlar 
bo‘lishi 
mumkin. 
Burun 
paypaslanganda, suyaklar 
“ 
g‘ijirlashi” seziladi. Burun asosi siljigan bo‘lib, yuqori jag‘ning peshona 
o‘sig‘i ustidagi teri ostida krepitatsiya (emfizema) sezilsa, g‘alvirsimon 
suyak singanligidan dalolat beradi. Rentgenologik va KT tekshiruvlaridan 
aniq ma’lumot olish mumkin. 
Tashxis qo‘yishda yuqorida keltirilgan belgilarni yuqori jag‘ va 
bosh suyagi asosining sinishi bilan( qiyoslab) tashxislash 

---

talab etiladi. 
Davolash mahalliy yoki umumiy og‘riqsizlantirish ostida vakuumli 
so‘rg‘ich orqali burun yo‘llari tozalanadi. Qulay asbob singan bo‘laklar 
chap qo‘l barmoqlari nazorati ostida dastlabki o‘z holatiga ko‘tariladi. 
Suyaklar qayta cho‘kmasligi uchun burunning umumiy yo‘liga yodoformli 
tampon zich bostirib kiritiladi. Bemor pastki burun yo‘llariga qo‘yilgan 
rezina naychalar orqali nafas oladi.