Dilnavoz Yusupova

G‘azallaridan namunalar 

Sensen sevarim, xoh inon, xoh inonma,
Qondur jigarim, xoh inon, xoh inonma.
 

Meni shaydo qiladurg‘on bu ko‘nguldir, bu ko‘ngul,
Xor-u rasvo qiladurg‘on bu ko‘nguldir, bu ko‘ngul.
 

Ayoqingg‘a tushar har lahza gisu,
Masaldurkim: «Charog‘ tubi qorong‘u».
 

Haq ul kunkim jamoling bor etibdur,
Jahon husnin borin sizga beribdur.
 

Ey odami(y)lar joni, parig‘a ne bo‘lursan?
Bu jism ila gulbargi tarig‘a ne bo‘lursan? 
 
Tuyuqlar 

Ko‘ngluma har yonki boqsam, dog‘i bor.
Har necha dardimni desam, dog‘i bor.
Qilcha tanga bori ishqing yor edi,

---

183 
Bir sori bo‘ldi firoqing, dog‘i bor.
 

Men sening ilkingdin, ey dil, bandamen, 
Vah, qachon yetkaymen ut dilbanda men? 
Bevafolarga meni qilding asir, 
Sen menga sultonsen, ey dil, banda men.
 

Charxi kajraftor elidin yozamen,
Chiqmadim hijron qishidin yoza men. 
Bir meni yorliq bila yod etmas ul,
Har necha ul shahg‘a qulluq yozamen.
 

Qomatimni necha qoshing yo qila, 
Necha hajr o‘ti jonimda yoqila.
G‘amza birla to‘kti qonim ul sanam, 
To hinotek qon elina yoqila.
 

Ey ko‘ngul, yorsiz sanga ne bor, bor,
Qaydakim ul zulfi anbarbor, bor.
Chek jafo-u javr-u nozin borini,
Bir kun o‘lg‘aykim degaylar: «Bor-bor!» 
 

Qoshlaring xush lojuvard-u toq erur,
Xush ichinda benazir-u toq erur.
Torta olmasman firoqing, netayin? 
Qilcha tanga bori ishqing toq erur.